မြန်မာ တပ်ရင်း (၃) ခု နယ်စပ်တွင် တိုးချသည်ဆိုသော သတင်းကြောင့် ဘင်္ဂလာဒေခ်ျ့ဘက်က တပ်လှန့်ထား

နိရဉ္စရာ

မြန်မာဘက်က နယ်စပ်တွင် စစ်တပ် တပ်ရင်း (၃) ခုကို တိုးချထားသည်ဆိုသော သတင်းကြောင့် ဘင်္ဂလာဒေခ်ျ့ဘက်က နယ်စပ်တွင် တပ်လှန့်ထားကြောင်း ဘင်္ဂလာဒေခ်ျ့ သတင်းစာများက ရေးသားသည်။
ဘင်္ဂလာဒေခ်ျ့ နိုင်ငံထုတ် The Daily Star သတင်းစာတွင် BGB on alert, not alarmed ခေါင်းစည်းဖြင့် ရေးသားထားသော သတင်းတွင် ဘင်္ဂလာဒေခ်ျ့ နယ်ခြားစောင့်တပ်ဖွဲ့ BGB ညွှန်ကြားရေးမှူးချုပ် Azziz Ahmed ကို ကိုးကားပြီး သတင်း ဖေါ်ပြသည်။

မစ္စတာ Azziz မှ မိမိတို့ အနေဖြင့် နယ်စပ် တလျှောက်တွင် မြန်မာဘက်မှ တပ်များ တိုးချနေသည်ကို သတင်းမရသေးကြောင်း၊ မိမိတို့ တပ်ဖွဲ့မှလည်း သတင်းပေးပို့ခြင်း မရှိပါကြောင်း၊ သို့သော်လည်း စောင့်ကြည့်နေကြောင်း၊ စိုးရိမ်စရာတော့ မရှိပါကြောင်း သတင်းထောက်များသို့ ပြောကြားသည်။

နယ်စပ်ရှိ ဘင်္ဂလာဒေခ်ျ့ နယ်ခြားစောင့် တပ်ဖွဲ့များ၏ သတင်းပေးပို့ချက် အရ နယ်စပ် အခြေအနေမှာ ပုံမှန်အတိုင်း ရှိနေသည်ဟု သူက ဆက်ပြောသည်။

သို့သော်လည်း နယ်စပ်တွင် မြန်မာ နစကကို ဖျက်သိမ်းပြီးနောက်ပိုင်းတွင် ရဲတပ်ဖွဲ့ဖြင့် နယ်စပ် လုံခြုံရေးကို အစားထိုးနေရာ နယ်စပ် လုံခြုံရေး ချော့မွေ့အောင် မြန်မာဘက်မှ စစ်တပ်တချို့ကို လုံခြုံရေး ထိန်းသိမ်းရန် ချထား၍ ရှိကြောင်း ပြောဆိုသည်။

မြန်မာ မီဒီယာ အချို့မှ မြန်မာ- ဘင်္ဂလာဒေခ်ျ့ နယ်စပ် တလျှောက်တွင် စစ်တပ် တပ်ရင်း (၃)ခုကို တိုးချပြီး လုံခြုံရေးကို တိုးမြှင့် အားဖြည့်နေကြောင်း၊ စစ်တပ် စခန်းများကို နယ်စပ် စီရိုမျဉ်းမှ (၅) မိုင် အကွာတွင် တည်ဆောက်နေကြောင်း မြန်မာ လုံခြုံရေး သတင်းရပ်ကွက်များကို ကိုးကားပြီး များမကြာမီက သတင်း ဖေါ်ပြသည်ဟု ဆိုသည်။

ယင်းအပြင် မြန်မာ့ Eleven သတင်းတွင် ရခိုင်ပြည်နယ် ၀န်ကြီးချုပ်ကို ကိုးကားပြီး နောက်ထပ် ရဲတပ်ရင်း (၂) ခုကို နယ်စပ်သို့ စေလွတ်မည်ဖြစ်ကြောင်း ဖေါ်ပြသည်ဟု ၎င်းသတင်းစာက ရေးသားသည်။

ယင်းသို့ သတင်းထွက်လာပြီးနောက် ဘင်္ဂလာဒေခ်ျ့ အာဏာပိုင်များက နယ်စပ်ကို တပ်လှန့်ထားကြောင်း၊ သို့သော်လည်း သတိပေးမူမျိုးဖြင့် တပ်လှန့် နိုးဆော်ထားခြင်း မဟုတ်ကြောင်း ပြောဆိုသည်။

မြန်မာ အနောက်ဘက် နယ်စပ်တွင် ယခင်က (စစ်တပ်၊ ရဲ၊ လ၀က၊ အကောက်ခွန်) တို့ဖြင့် ဖွဲ့စည်းထားသေ နစက တပ်ဖွဲ့က လုံခြုံရေး ကို တာဝန်ယူခဲ့သော်လည်း ဇွန်လ အတွင်းက နစကကို နိုင်ငံတော် သမ္မတ အမ်ိန့်ဖြင့် ဖျက်သိမ်းပြီးနောက် ရဲတပ်ဖွဲ့က ယခုအခါ လုံခြုံရေး တာဝန်ကို အစားထိုး ထမ်းဆောင် နေသည်ဟု သိရသည်။