ယခင်နှစ် တစ်ရက်လှန်းရာဘာတစ်ပေါင် (၈၀ဝ) ကျပ်ဝန်းကျင်ဈေးပေါက်ခဲ့သော်လည်း ယခုနှစ်ရာဘာ တစ်ရက်လှမ်းဈေးတစ်ပေါင် (၄၂၀)ကျပ်ဝန်းကျင်သာရှိနေခြင်းဖြစ်သည်။
သံဖြူဇရပ်မြို့ ရာဘာခြံပိုင်ရှင်တစ်ဦးဖြစ်သူ ကိုအေးမင်းက “ရာဘာ ၁၀ ဧက အပင်၂၀ဝ၀ ပိုင်တဲ့ခြံရှင်အနေနဲ့ လက်ရှိဈေးနှုန်းပေါက်ဈေးအတိုင်းဆိုရင်အလုပ်သမားစရိတ်ဘဲရတော့တယ်၊ တခြားစရိတ်တွေပါထည့်တွက်လိုက်ရင်အရှုံးပေါ်နေတယ်”ဟု ပြောသည်။
ထို့အတူ ရာဘာအဝယ်ဒိုင်များတွင်လည်း အရေးအဝယ်အေးနေသည်ဟုလည်း သိရသည်။ ရာဘာအဝယ်ဒိုင်ဖွင့်ထားသူ မကရင်မ က “ရာဘာအဝယ်ဒိုင်လုပ်ရတာ လောင်းကစားဆန်ဆန်ပဲ၊ ဈေးနှုန်းပြန်တက်မလားလို့စောင့်နေတာ၊ ဝယ်ပြီးလှောင်ထားတာ လက်ရှိဈေးနှုန်းဆိုရင် အရှုံးပေါ်နေတယ်၊ နယ်အဝယ်ဒိုင်တွေဆိုရင် အပေါ်ဒိုင်တွေရဲ့ ခြယ်လှယ်မှုကိုခံနေတယ်” ဟု ပြောသည်။
မွန်ပြည်နယ်သည် ၂၀၁၂-၂၀၁၃ ခုနှစ်ထိ ရာဘာစိုက်ဧကစုစုပေါင်း (၄၈၀၂၂၄)ဧက၊ တစ်ဧကပျမ်းမျှအထွက်နုန်းခန့်မှန်း (၆၈၈.၉၆)ပေါင် ၊၂၀၁၂-၂၀၁၃ ရော်ဘာအထွက်တန်ချိန်(၁၀ဝ၂၀၂)တန် ဖြစ်ပြီး မြန်မာနိုင်ငံ၏ ရာဘာစိုက်ဧကအများဆုံးပြည်နယ်ဖြစ်သည်ဟု မှတ်တမ်းများအရ သိရသည်။
အလားတူ ၂၀ဝ၉ ခုနှစ်တွင် ရာဘာဈေးနုန်းတစ်ရက်လှန်း ၃၅၀ကျပ် ဝန်းကျင်အထိ ဈေးကျခဲ့ဘူး ရာဘာအဝယ်ဒိုင်များက ပြောသည်။
ရာဘာဈေးနုန်းများသည် ကမ္ဘာ့ရေနံပေါက်ဈေးနှင့် တိုက်ရိုက်ပတ်သက်ဆက်နွယ်နေပြီး လက်ရှိရေနံဈေးကျနေချိန်တွင် ကားတာယာထုတ်စက်ရုံများက ရာဘာအစား အရည်အသွေးပိုမိုကောင်းမွန်သော ရေနံဖြင့်ထုတ်လုပ်သည့်ရာဘာတုများကို ပိုမိုထုတ်လုပ်နေသည်ဟု စင်္ကာပူရေနံ Eastman chemical company ၌ အလုပ်လုပ်ကိုင်နေသူ ကိုအောင်စံဝင်းက ပြောသည်။
No comments:
Post a Comment