ကျောက်စိမ်းထွက်ရာ ကချင်ပြည်နယ် ဖားကန့်ဒေသ၌ အစိုးရစစ်ကြောင်းများထိုးလာသဖြင့် ယာဉ်အသွား အလာများ ရပ်ဆိုင်းနေရာ ဖားကန့်ဒေသအတွင်းဆန် နှင့် လူသုံးကုန်ပစ္စည်းများအဆမတန်ဈေးတက်နေ ကြောင်း သိရသည်။
လွန်ခဲ့သည့်တစ်ပတ်ခန့်က KIA နှင့် အစိုးရတပ်တို့ အဆိုပါ ဒေသ၌ တိုက်ပွဲ ဖြစ်ပွားခဲ့ရာ ဖားကန့် - မိုးကောင်းလမ်း ယာဉ် သွားလာမှု ရပ်ဆိုင်းနေပြီး ဆန်တစ်တင်းခွဲတစ်အိတ် ကျပ် ၃ သောင်းဝန်းကျင်မှ ကျပ် ၅ သောင်းကျော် အထိ ဈေးခုန်တက်သွားကြောင်း ဖားကန့်ဒေသခံ ကျောက်ကုန်သည် တစ်ဦးက သျှမ်းသံတော်ဆင့်သို့ ပြောသည်။
“ကားလမ်းပိတ်လို့ ကျောက်ကုမ္ပဏီတွေက ဆန်တွေဝယ်စုလိုက်တော့ အရင် ဆန်တစ်အိတ် ၃ သောင်းလောက်ကနေ အခု ၅ သောင်းကျော်အထိတက်သွားတယ်။ ဝယ်မရတဲ့ အခြေအနေ ဖြစ်နေတယ်။ တခြား လူသုံး ကုန်ပစ္စည်းတွေ လည်း ပြတ်နေတယ် ” ဟု ဆိုသည်။
မိုးကောင်းမြို့ အခြေစိုက် စကခ ၃ လက်အောက်ခံ အစိုးရစစ်ကြောင်းများ ထိုးစစ်ဆင်နေမှုကြောင့် ဖားကန့်လမ်းယာဉ် သွားလာမှု ရပ် ဆိုင်းခြင်းဖြစ်ကြောင်း KIA ပြောခွင့်ရ တွဲဘက် အထွေထွေအတွင်းရေးမှူး ဦးလနန်က ပြောသည်။
“အဲမှာတော့ အရင်တုန်းက ကျနော်တို့ ကေအိုင်အေတွေကားလမ်းပေါ်မှာရှိတယ် အစိုးရစစ်ကြောင်းတွေ မတက်ရင် တော့ ကားတွေက အတက်အဆင်းအမြဲတမ်းရှိတယ်။ ဒီနောက်ပိုင်းမှာ အစိုးရစစ်တပ်တွေ အလုံးအရင်းနဲ့ဝင်လာ တဲ့အခါမှာ တိုက် ပွဲဖြစ်မှာ စိုးရိမ်တဲ့ အ တွက်ကြောင့်မို့ ကားတွေကအဆင်းအတက်မရှိတော့ဘူးခင်ဗျ။ အဲလိုကြောင့် ကားတွေပြတ်သွားတဲ့ သ ဘောပါ ” ဟု ဆိုသည်။
အဆိုပါ ကားလမ်းပိတ်နေမှုသည် အချိန်အကန့်အသတ်မရှိကြာနိုင်ဖွယ်ရှိသောကြောင့် ဆန်နှင့် အခြေခံ လူသုံးကုန်များ ပြတ်သွားမည်ကို ဖားကန့် ကျောက်စိမ်းတွင်း ဒေသခံများ စိုးရိမ်နေကြောင်း သိရသည်။
No comments:
Post a Comment