သျှမ်းပြည် အရှေ့ပိုင်း ၀ တပ်ဖွဲ့ အထူး ဒေသ ၂ နှင့် မိုင်းလား တပ်ဖွဲ့ အထူး ဒေသ ၄ သို့ သွားရောက် မည့် ပညာရေး ဝန်ထမ်းများ သျှမ်းပြည် အရှေ့ပိုင်း မိုင်းယန်း၌ ဆက်လက် သောင်တင် နေဆဲ ဖြစ်ကြောင်း သိရှိရ ပါသည်။
“နိုဝင်ဘာလဆန်းကတည်းက ရောက်နေတာ။ အသက် ၁၈ နဲ့ ၂၄ ကြား ငယ်ငယ်ရွယ်ရွယ် ဆရာမဝန်ထမ်းတွေ ဘဲ။ အလုပ် မလုပ်ရ သေးတော့ အစိုးရကနေ လစာရလား/မရဘူးလားဆိုတာတော့ မသိဘူး။ ၀ နယ်မြေထဲ ရောက်သွားရင် ထောက်ပံ့တာတွေရတော့ တော် သေးတယ်” ဟု မိုင်းယန်းဒေသခံတစ်ဦးက ပြောပါသည်။
သျှမ်းပြည်အရှေ့ပိုင်း မိုင်းယန်းသို့ ရောက်ရှိနေသော ပညာရေးဝန်ထမ်းမှာ ၃၂ ဦးရှိပြီး မိုင်းလားထိန်းချုပ်နယ်မြေ ဆီလူးသို့ ၃ ဦး၊ ၀ ထိန်းချုပ်နယ်မြေ မိုင်းပေါက်သို့ ၂၉ ဦး သွားရောက်ရမည်ဖြစ်သည်ဟုဆို၏။
“မိုင်းပေါက်မှာရှိတဲ့ အစိုးရစာသင်ကျောင်းတွေ တချို့လဲပျက်စီး။ တချို့ကျောင်းတွေကိုဖျက်ပြီး ဟိုတယ်ဆောက် လိုက်တာတွေရှိတယ်။ အစိုးရဝန်ထမ်းတွေ ၀ ဖက်ကမနှင်ဘဲ ထွက်သွားတာကြောင့် ပြန်ဝင်လာရင်လဲ စာသင် ကျောင်းကအစ နေရာထိုင်ခင်းတွေ ကိုယ့်ဖာသာ စီစဉ်ဖို့ ၀ ဖက်က ပြောတယ်” ဟု ၎င်းကဆက် ပြောပါ သည်။
ထို့အတူ အထူးဒေသ ၄(တောင်ဘက်ပိုင်းနယ်) နမ့်ပန်းဒေသဘက်သွားမည့် ဝန်ထမ်းတချို့လည်း မိုင်းယောင်း၌ သောင်တင်နေ ကြောင်းဆို၏။
အစိုးရ၏ ဖွဲ့စည်းပုံအရ မိုင်းလားထိန်းချုပ်နယ်မြေအတွင်းရှိ ဆီလူးနှင့် ၀ ထိန်းချုပ်နယ်မြေ မိုင်းပေါက်ဒေသအား အစိုးရ ထိန်းချုပ် နယ် မြေဖြစ်သည့် မိုင်းယန်းမြို့နယ်အတွင်း၊ နမ့်ပန်းဒေသကိုလည်း မိုင်းယုမြို့နယ်အတွင်းထား ရှိရန် ညှိနှိုင်းဆောင်ရွက်နေမှု မပြီးစီး သေး သဖြင့် ပညာရေး ဝန်ထမ်းများ ယနေ့တိုင် မပို့လာပေးခြင်းဖြစ်နိုင် ကြောင်း မိုင်းလားအရာရှိတစ်ဦးက ပြောပါသည်။
အထူး ဒေသ ၂ သို့ ရောက်ရှိ နေသော ပညာရေး ဝန်ထမ်း များအား အစိုးရ၏ လက်နက်ကိုင် ဝန်ထမ်း များနှင့် ထိမ်း မြား လက်ထပ်ခြင်း မပြု ရန်လည်း အထက်က ညွှန်ကြား ထားသည် ဆိုသည့် သတင်း ထွက်နေကြောင်း၊ ပညာရေး ဝန်ထမ်း များအား သတင်းထောက် အဖြစ် မိုင်းလား နှင့် ၀ တို့က ထင်မှတ် သွားမည် စိုးသောကြောင့် ဤကဲ့သို့ သီးသန့် နေရန် ညွှန်ကြား ခြင်းလည်း ဖြစ်နိုင်ကြောင်း ဒေသ ခံများက သုံးသပ်ကြပါသည်။
No comments:
Post a Comment