စစ်ပွဲကြောင့် လူသားချင်းစာနာမှုအကူညီ ပြဿနာကြုံတွေ့နေရသော ကချင်ပြည်နယ်နှင့် ရှမ်းပြည်မြောက်ပိုင်းတွင် မြန်မာအစိုးရ၏ ရန်ရှာ စစ်ရေးအကြမ်းဖက်တိုက်ခိုက်မှုများ အားလုံးရပ်ဆိုင်းရန် အရေးပါသော ကချင်အဖွဲ့အစည်းများမှ ဇန်န၀ါရီ ၁၇ ရက် အင်္ဂါနေ့က စုပေါင်းကြေညာချက် ထုတ်ပြန်ခဲ့သည်။
ဗုဒ္ဓဟူးနေ့၌ တရုတ်နိုင်ငံတွင် မြန်မာအစိုးရနှင့် ကချင်လွတမြောက်ရေးအဖွဲ့ (KIO) တွေ့ဆုံမည့် အစီအစဉ်နှင့် အချိန်မှီ ထိုကြေညာချက်ထွက်ပေါ်လာခြင်းဖြစ်သည်။
အစိုးရတပ်က ပြီးခဲ့သည့်ဇွန်လတွင် KIO ကို စတင်ထိုးစစ်ဆင်သောကြောင့် နှစ်ဖက်ကြား ၁၇ နှစ်ကြာ အပစ်အခတ်ရပ်ဆိုင်းရေး ပျက်ပြားသွားခဲ့သည်။
“ပြည်တွင်းစစ်ဖြစ်ပွားရခြင်း၏ အရင်းအမြစ်ပြဿနာများဖြစ်သည့် အမျိုးသားတန်းတူရေးနှင့် စစ်မှန်သော ဖက်ဒရယ်ပြည်ထောင်စု တည် ထောင်ရေးတို့ကို နိုင်ငံရေးအရတွေ့ဆုံဆွေးနွေးခြင်းဖြင့် အဖြေရှာရန်” ကြေညာချက် တွင် တောင်းဆိုထားသည်။
ထိုသို့တောင်းဆိုသည့်အထဲ ကချင်လူငယ်နှင့်ကျောင်းသားသမဂ္ဂ (AKSYU)၊ ကချင်အမျိုးသား အစည်းအရုံး(KNO)၊ ကချင် အမျိုးသမီး အစည်းအရုံးထိုင်းနိုင်ငံ (KWAT)တို့လည်း ပါဝင်သည်။
သီးခြားလေ့လာသူများအား သက်သေအဖြစ် ဆွေးနွေးညှိနှိုင်းပွဲသို့ တက်ရောက်စေသည့်အပြင် နှစ်ဦးနှစ်ဖက်အကျိုးအတွက်သာမက ကာ လရှည်ပဋိပက္ခဖြစ်ရာဒေသမှ ပြည်သူများ အသက်ရှင်သန်ရေး အတွက်ပါ သဘောတူညီချက်တွင်ထည့်သွင်းရန် သမ္မတ ဦးသိန်းစိန် အစိုးရကို တိုက်တွန်းထားသည်။
စစ်ပွဲကြောင့် အိုးမဲ့အိမ်မဲ့ ရပ်ရွာပြောင်းရွှေ့နေထိုင်ရသူ စစ်ပြေးဒုက္ခသည် ပြည်သူ ၆၀၀၀၀ ကျော်ထံသို့ အကူအညီပေးသည့် အဖွဲ့အစည်း များဝင်ရောက်ခွင့်ပြုရန် သမ္မတဦးသိန်းစိန်အားတောင်းဆိုထားသေးသည်။
အကူအညီပေးအဖွဲ့အစည်းများအား အစိုးရက ၎င်းတုိ့အုပ်ချုပ်ရာဒေသသို့ ရောက်ရှိနေသည့် ရပ်ရွာပြောင်းရွှေ့ရသူများထံသို့သာ ၀င် ရောက်ခွင့်ပြုထားကာ လွန်ခဲ့သည့်ဒီဇင်ဘာလက KIO ဒေသရှိဒုက္ခသည်များထံသို့ ကုလသမဂ္ဂအဖွဲ့အစည်းများက စစ်ပွဲကာလ ၇ လ အတွင်း ပထမဆုံးအကြိမ် ရောက်ရှိလာသည်။
အမှန်တကယ် ဒုက္ခသည်အများစုသည် ထို KIO ထိန်းချုပ်ဒေသ တရုတ်နယ်စပ်များသို့ ရောက်ရှိနေကြခြင်းလည်းဖြစ်သည်။
KIO အနေဖြင့် “ကချင်ပြည်သူလူထု၏ အမျိုးသားတန်းတူရေး၊ လုံခြုံရေးနှင့် လူ့အခွင့်အရေးတို့ကို အာမခံသော နိုင်ငံရေးအဖြေ ရရှိရေး အတွက် ဗဟိုအစိုးရနှင့် ဆွေးနွေးရန်” တိုက်တွန်းထားသည်။
ထို့အပြင် “ဦးသိန်းစိန်အစိုးရနှင့်ပြုလုပ်မည့် မည်သည့်အနာဂတ်သဘောတူညီချက်တွင်မဆို သဘာဝ အရင်းအမြစ်များ စီမံခန့်ခွဲမှုအပါအ၀င် ကချင်လူထု၏ အကျိုးစီးပွားကို ကာကွယ်ပေးသည့်အချက်များ ထည့်သွင်းရန်” လည်း အလေးအနက် တောင်းဆိုထားသည်။
ရေရှည်တည်တံ့ခိုင်မြဲသော စစ်မှန်သည့်ငြိမ်းချမ်းရေး ဖော်ဆောင်နိုင်ရေးအတွက် မြန်မာနိုင်ငံသားအားလုံး တတ်စွမ်းသမျှ ယခု ကြေညာ ချက်ထုတ်ပြန်သည့် ကချင်အဖွဲ့အစည်းများနှင့်အတူ ပူးပေါင်းပါဝင်ရန်လည်း နိုးဆော်ထားသည်။
ကုလသမဂ္ဂနှင့်နိုင်ငံတကာအဖွဲ့အစည်းများကို မြန်မာအစိုးရနှင့် KIO စေ့စပ်ညှိနှိုင်းမှုများတွင် ကြားဝင်ဆောင်ရွက်ပေးရန်နှင့် လေ့လာ စောင့်ကြည့်ပေးရန်နှင့် နှစ်ဖက် စစ်ရေးပဋိပက္ခကြောင့် ဒုက္ခရောက်နေသော စစ်ပြေးပြည်သူများကို အကူအညီပေးရန်လည်း ကြေညာ ချက်က တောင်းဆိုထားပါသည်။
No comments:
Post a Comment