ကရင်ပြည် နယ်၊ ဘုရား သုံးဆူမြို့ နယ်ခွဲ အနန်းကွင်း ကျေးရွာ ဘုရား ပွဲ၌ ဖြစ်ပွား ခဲ့သည့် ပေါက်ကွဲမှု သည် မည်သူ့ လက်ချက်ဖြစ်သည်ကို လက်သည် မဖော်နိုင် သေးကြောင်း သိရသည်။ဇန်နဝါရီလ ရ ရက်နေ့ ည ၁၀ နာရီ ကျော်တွင် ဖြစ်ပွား ခဲ့သည့် အနန်းကွင်း ဘုရားပွဲ ပေါက်ကွဲ မှုသည် ပွဲလာ ရောက်ကြည့် ရှုသူ ဒေသခံ (၅၁) ဦး ထိခိုက် ဒဏ်ရာ ရရှိပြီး ၄င်းအနက် (၄) ဦး သေဆုံး သွားကြောင်း ဒေသခံ တို့က ပြောသည်။
“စစ်တပ် ခြံစည်းရိုး ဝင်းအပြင် ဘက်နဲ့ ပွဲခင်း အကြား ပေါက်ကွဲတာ၊ အများကြီး ထိခိုက် ဒဏ်ရာ ရတယ်၊ ဒဏ်ရာ ပြင်းတဲ့ ၁၄ ယောက်ကို သံဖြူ ဇရပ်နဲ့ မော်လမြိုင် ဆေးရုံ ကိုပို့ထား လိုက်တယ်၊ အချို့ကိုတော့ အနန်းကွင်း ဆေးပေးခန်း မှာပဲ ကုသပေး နေတယ်” ဟု အနန်း ကွင်း ရွာသား တဦးက ပြောသည်။
ဘုရား သုံးဆူ-သံဖြူ ဇရပ် လမ်းမ ပေါ်ရှိ အနန်းကွင်း ကျေးရွာ ဘုရားပွဲကို နှစ်စဉ်ပြာသို လပြည့် နေ့တွင် ကျင်းပ လေ့ရှိရာ၊ ယခုလို ပေါက်ကွဲ မှုဖြစ်ပေါ်ပွားခဲ့ပြီး ထိုပေါက်ကွဲ မှုသည် မည်သူ့ လက်ချက်ဖြစ်သည်ကို ယနေ့ထိ ဖော်ထုတ် နိုင်ခြင်း မရှိသေးပေ။
အနန်းကွင်းကျေးရွာ၌ မြန်မာစစ်တပ်မှ အလှည့်ကျရှေ့တန်းစစ်ဗျူဟာရုံးအမြဲတမ်းထားရှိပြီး လက်ရှိတွင် စကခ (၅) လက်အောက်ခံ နည်းဗျူဟာ (၁) အခြေစိုက်၍ စကခ (၁၉) လက်အောက်ခံ ခလရ (၆၁) တပ်ရင်းက ပွဲခင်းလုံခြုံရေးယူထားသည်ဟု သိရသည်။
“ရွာသားတွေကတော့ ဗမာစစ်တပ်လက်ချက်လို့ပြောတယ်၊ ကျနော်တို့ကေအဲန်ယူသြဇာခံရွာ၊ ကရင်ရွာဘုရားပွဲ၊ ကေအဲန်ယူတပ်တွေ လုံးဝဝင်မရှုပ်ဘူး” ဟု ကေအဲန်ယူတပ်မဟာ (၆) မှ ဗိုလ်ကြီးစောထဲနေက ပြောသည်။
ဘုရားသုံးဆူ-အနန်းကွင်း-သံဖြူဇရပ်ကားလမ်းမ၏ သုံးပုံနှစ်ပုံခန့်ကို ကေအဲန်ယူတပ်မဟာ (၆) မှ ထိန်းချုပ်ထားသည့် နယ်မြေ များဖြစ် သည်။
လာမည့်ဇန်နဝါရီလ ၁၂ ရက်နေ့တွင် မြန်မာအစိုးရကိုယ်စားလှယ်နှင့် ကေအဲန်ယူအဖွဲ့တို့ နှစ်ဖက်ကိုယ်စားလှယ်များ ကရင်ပြည်နယ်၊ ဖားအံမြို့တွင် အပစ်ခတ်ရပ်စဲရေး ဆွေးနွေးရန် ရက်ချိန်းသတ်မှတ်ထားပြီး ယခုကဲ့သို့ ပေါက်ကွဲမှုဖြစ်ပွားခဲ့ခြင်းဖြစ်သည်။
No comments:
Post a Comment