ဒီဗွီဘီ
ဒီမို ကရက် တစ်မြန်မာ့ အသံရဲ့ ပြည်တွင်း သတင်း ထောက် အားလုံး ဇန်နဝါရီ ၁၃ ရက်နေ့ လွတ်ငြိမ်း ချမ်းသာ ခွင့်နဲ့ ပြန်လည် လွတ်မြောက် လာပါတယ်။
လွတ်ငြိမ်း ချမ်းသာ ခွင့်နဲ့ နိုင်ငံရေး အကျဉ်းသား ၃၀၀ ဝန်းကျင် ပြန်လည်လွတ်မြောက် လာတဲ့ အထဲမှာ ထောင်ထဲမှာ ကျန်နေတဲ့ ဒီဗွီဘီ သတင်း ထောက် ၁၃ ယောက် စလုံးလည်း ပါဝင် လာတာလို့ ဒီဗွီဘီ အယ်ဒီတာချုပ် ဦးအေးချမ်းနိုင်က အတည်ပြု ပြောဆို ပါတယ်။
“ပြည်တွင်း သတင်း ထောက်တွေက သူတို့ရဲ့ လွတ်လပ်မှု တွေကိုတောင် စတေးပြီး တကယ့်ကို အလုပ် လုပ်ခဲ့ကြ တာပါ။ အခု သူတို့ ပြန် လွတ်လာတဲ့ အတွက် သူတို့ အတွက်ရော၊ သူတို့ မိသားစု အတွက်ပါ တကယ် ဝမ်းသာ ပါတယ်၊ သူတို့တွေ အားလုံး လေးစား ဂုဏ်ပြု ရမယ့် ဒီဗွီဘီရဲ့ တကယ့် သူရဲကောင်း အစစ် တွေပါ။”
ပြန်လွတ်လာတဲ့ အထဲမှာ ဒီမိုကရက်တစ်မြန်မာ့အသံက လူသိရှင်ကြား နာမည်ဖော်ထားတဲ့ တီဗွီသတင်းထောက် ကိုစည်သူဇေယျနဲ့ ဖခင်ဖြစ်တဲ့ ဦးဇေယျ၊ ဦးဝင်းမော်၊ မလှလှဝင်း၊ ငွေစိုးလင်း၊ ၅ ဦး စလုံးပါဝင်ပါတယ်။
ဒါ့အပြင် လုံခြုံရေးကြောင့် ဒီဗွီဘီက နာမည်ဖော် ကြေညာမထားတဲ့ သတင်းထောက်တွေ အားလုံးလည်း သူတို့နဲ့အတူ ပြန်လည်လွတ်မြောက်ခဲ့ပါတယ်။ သူတို့ထဲက တချို့ဟာ နှစ်ပေါင်း ၆၀ ကျော် ထောင်ချခံထားရသူတွေ ပါဝင်ပါတယ်။
ဟင်္သာတထောင်ကနေ ပြန်လွတ်လာတဲ့ ဒီဗွီဘီသတင်းထောက် ကိုစည်သူဇေယျက သူ့ကို ခြွင်းချက်နဲ့ ပြန်လွှတ်ပေးလိုက်တာလို့ ပြောပါ တယ်။
“အခုက ကျနော်တို့ကို ၄၀၁ ပုံစံနဲ့ လွှတ်ပေးတာပေါ့။ ဝန်ခံကတိ ထိုးခိုင်းပြီးမှ။ ဝန်ခံကတိက နောက်မလုပ်တော့ပါဘူး ဆိုတာမျိုးတော့မဟုတ်ဘူး။ လုပ်တော့လုပ်။ ဒါပေမယ့် အခုကျန်သမျှအားလုံးကို နောက်တကြိမ် ပြန်အဖမ်းခံရတဲ့အချိန်မှာ သီးခြား ပြန်ခံရမယ်။ ကျနော့်အမြင်ကတော့ ပွင့်ပွင့်လင်းလင်းပြောရရင် လည်ပင်းမှာ ကြိုးတပ်ပြီးတော့ လွှတ်ပေးလိုက်သလိုပဲ။ ဘာလို့လဲဆိုတော့ တချိန်မှာ ကြိုးစောင့်ဆွဲပြီး ပြန်ဖမ်းလို့ရှိရင် အရင်ကထက် ပိုပြီးခံရမယ့်ပုံစံ ဖြစ်သွားတာပေါ့။”
စည်သူဇေယျမှာ ၂ဝ၁ဝ ခုနှစ် သကြင်္န်ကာလအတွင်း ဖြစ်ခဲ့သည့် X2O မဏ္ဍပ် ဗုံးကွဲမှု ဖြစ်ပွားမှုနောက် ဓာတ်ပုံ သတင်း ရိုက်ကူးစဉ်တွင် ဖမ်းဆီးခံရပြီး ဖခင်ဖြစ်သူ သတင်းထောက် ဦးဇေယျကိုပါ ရဲက ဆက်လက် ဖမ်းဆီးခဲ့တာဖြစ်ပါတယ်။
မနှစ်မေလက စလို့ ဒီဗွီဘီသတင်းထောက်တွေ လွတ်မြောက်ရေး လှုပ်ရှားမှု ပြုလုပ်နေတဲ့ ဖရီးဘားမား ဗွီဂျေ လှုပ်ရှားမှုအဖွဲ့ ဆက်သွယ် ညှိနှိုင်းရေးမှူး Géraldine May (ဂျာရယ်ဒင်းမေ) က သတင်းထောက်တွေအပေါ် ဒီလို ကန့်သတ်ထားတာတွေ လုံးဝ ပျက်ပြယ်သွားဖို့နဲ့ လွတ်မြောက်လာပြီးနောက် သူတို့ရဲ့ လုံခြုံရေးအတွက် အာမခံချက်ရဖို့ ဆက်ပြီး စည်းရုံးဆော်ဩ သွားမယ်လို့ ပြောပါတယ်။
“ဒီဗွီဘီရဲ့ ဗွီဒီယိုသတင်းထောက်တွေအားလုံး ပြန်လွတ်လာတဲ့အတွက် Free Burma VJ လှုပ်ရှားမှုအဖွဲ့က ဝမ်းသာပါတယ်။ ဒါပေမယ့် သတင်းထောက်တွေရဲ့ လုံခြုံရေးအတွက် ကျမတို့ သတိထားစရာတွေ ရှိပါသေးတယ်၊ နောက်တချက်ကလည်း အခုအချိန်ထိ နိုင်ငံရေး အကျဉ်းသားတချို့ ထောင်ထဲမှာ ကျန်နေသေးတာကိုလည်း ကျမတို့ မေ့ထားလို့ မဖြစ်ပါဘူး။”
No comments:
Post a Comment