စစ်မှန်သည့် ငြိမ်းချမ်းရေး အတွက် အဆင့်ဆင့် ဆွေးနွေးရန် လိုသေးကြောင်း KNU ပြော

လွတ်လပ်သော မွန်သတင်အေဂျင်စီ

မြန်မာ အစိုးရနှင့် ကရင် အမျိုးသား အစည်းအရုံး (KNU) တို့ ပဏာမ အဆင့် အပစ်ခတ် ရပ်စဲရေး သဘောတူ ထားသော် လည်း စစ်မှန်သည့် ငြိမ်းချမ်းရေးအတွက် အဆင့်ဆင့် ဆွေးနွေးရန် လိုသေးကြောင်း KNU က ပြောသည်။

“အခု ပြည်နယ် အဆင့် အပစ်ရ ပ်ဖို့ ပဏာမ သဘောတူ ထားတာ ပေါ့နော်၊ ဒါပေမယ့် တကယ် စစ်မှန်တဲ့ ငြိမ်းချမ်းရေး ဖြစ်ဖို့က အများ ကြီး ဆွေးနွေးဖို့ လိုသေးတယ်၊ ဥပမာ ကရင် ဒေသ ထဲမှာ ဗမာ တပ်တွေ အများကြီး ရှိတယ်၊ အဲဒါတွေ ဘယ်လို ရုပ်သိမ်းမလဲ စသဖြင့် ပေါ့ အဆင့်ဆင့် ဆက်ဆွေးနွေး ရဦးမယ်” ဟု ကရင် အမျိုးသား အစည်း အရုံး ဒု-ဥက္ကဋ္ဌ စောဒေးဗစ် သာက ဘောက ပြောသည်။

ဇန်နဝါရီ ၁၂ ရက်နေ့တွင် ကရင်ပြည်နယ်၊ ဘားအံမြို့၌ နှစ်ဘက်ကိုယ်စားလှယ်များ တွေ့ဆုံခဲ့ကြစဉ် ပြည်နယ်အဆင့် အပစ်ခတ် ရပ်စဲ ရေး သဘောတူ ထားကြပြီး၊ KNU ဘက်မှ အချက် (၁၁) တောင်းဆို ထားသည် ကိုလည်း အစိုးရ ကိုယ်စား လှယ်တို့က မူအာဖြင့် သဘော တူ လက်ခံထား သည်ဟု ယမန်နေ့ KNU သတင်း ထုတ်ပြန် ချက်တွင် ဖော်ပြ ထားသည်။

KNU အနေနှင့် အစိုးရကိုယ်စားလှယ်တို့နှင့် ပဏာမသဘောတူထားချက်များကို ဗဟိုဌာနချုပ်သို့ ပြန်လည်ရောက်ရှိသည့်အခါ အစိုးရနှင့် ထပ်မံဆွေးနွေးရန်အတွက် လိုအပ်သည့်အဆင့်များကို ဆက်လက်ဆွေးနွေးမည်လည်း ပါရှိသည်။

၎င်းက “ကျနော်တို့ လိုချင်တဲ့ ငြိမ်းချမ်းရေးဟာ တပြည်လုံးအပစ်ရပ်မယ် ထိုမှတဆင့် နိုင်ငံရေးဆွေးနွေးမယ်၊ အခုဆို ကချင်ဘက်က တိုက်ပွဲတွေလည်း ဖြစ်နေသေး ဒါတောင်မကဘူး ကရင်နီ၊ ကျနော်တို့ ကရင်ဒေသမှာလည်း တိုက်ပွဲတွေ ဖြစ်နေတုန်းပဲလေ” ဟု ပြောသည်။

ဆွေးနွေးပွဲတွင် KNU ဘက်မှ ဗိုလ်ချုပ်ကြီးမူတူးစေးဖိုး၊ ပဒိုစောဒေးဗစ်ထော၊ ပဒိုစောအားတိုး၊ ဗိုလ်မှူးချုပ်ဂျော်နီ၊ ဒုဗိုလ်မှူးကြီးရောဂျာခင်၊ ဗိုလ်မှူးရှီးရှို၊ ဗိုလ်မှူးအိသာ၊ ပဒိုစောကွယ်ထူးဝင်း၊ ပဒိုစောလေးလော်ဆော၊ ပဒို စောအောင်မော်အေး၊ ပဒိုစောရွှေမောင်းနှင့် ပဒိုစောအယ်ဝါးတို့နှင့် အစိုးရကိုယ်စားလှယ် ဦးအောင်မင်းဦးဆောင်သည့်ကိုယ်စားလှယ်တို့ ပါဝင်သည်။

ပြည်ထောင်စုအဆင့် မြန်မာအစိုးရကိုယ်စားလှယ် ဦးအောင်မင်းဦးဆောင်သည့် ငြိမ်းချမ်းရေးဖော်ဆောင်ရေးအဖွဲ့သည် ယခုလ ၅ ရက်နေ့တွင် ချင်းအမျိုးသားတပ်ဦး (CNF) တွေ့ဆုံခဲ့ကြပြီး၊ အချက် ၅ ချက်ပါ အပစ်ခတ်ရပ်စဲရေး နှစ်ဘက် သဘောတူလက်မှတ်ထိုးခဲ့ကြသည်။

ယခုလ ၂၀ ရက်နေ့တွင်လည်း ကရင်နီအမျိုးသားတိုးတက်ရေးပါတီ (KNPP) နှင့် ၂၅ ရက်နေ့ဝန်းကျင်တွင် မွန်ပြည်သစ်ပါတီနှင့် ထပ်မံ တွေ့ဆုံ ဆွေးနွေးရန်ရှိသည်ဟုလည်း သတင်းထွက်ပေါ်နေသည်။

အစိုးရ ကိုယ်စားလှယ်များနှင့် KNU အကြား အောက်တိုဘာ ဒုတိယပတ်ခန့်တကြိမ်၊ နိုဝင်ဘာ ၁၉ ရက်နှင့် ဒီဇင်ဘာ ၂၁ ရက်စသည်တို့ အကြိမ်ကြိမ်တွေ့ဆုံခဲ့အပြီး ယခု အပစ်ခတ်ရပ်စဲရေး ပဏာမအဆင့် သဘောတူထားပြီး နောက်ထပ် အဆင့်ဆင့် ဆွေးနွေး သွားမည်ဖြစ် သည်။


ကရင်အမျိုးသားအစည်းအရုံး KNU သည် အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ရရှိရေးအတွက် ၁၉၄၉ ခုနှစ်၊ ဇန်နဝါရီ လ ၃၁ရက်နေ့မှ စတင်ကာ မြန်မာအစိုးရအဆက်ဆက်ကို တော်လှန်လာခဲ့ကြသည်။