Thursday, December 13, 2012
စစ်တပ်သိမ်းလယ်မြေ အထက်ကို တိုင်ကြား၍ မင်းပြားမှ လယ်သမား ၂၈ ဦးကို ဗျူ ဟာမှူးက ခေါ်ယူ စစ်ဆေး
စစ်တပ်က လယ်မြေသိမ်းယူထားခြင်းကို အထက်သို့ စာရေးတိုင်ကြားသဖြင့်ရခိုင်ပြည် နယ် မင်းပြားမြို့နယ်မှ လယ်သမား ၂၈ ဦးကို ဗျူဟာမှူးမှ ဒီဇင်္ဘာလ ၁၀ ရက် နေ့က ခေါ်ယူ စစ်ဆေးခဲ့သည်ဟု သိရသည်။
အဆိုပါ လယ်သမား (၂၈) ဦးမှာ ရခိုင်ပြည်နယ်မင်းပြားမြို့နယ်အ၀ကျေးရွာအုပ်စုတွင် တည်ရှိသော မင်းရွာနှင့် ထုံးချေရွာမှ ဖြစ်ကြ သည်။
“ ဖမ်းဆီးတာတော့ မဟုတ်ပါဘူး။ သူတို့ကို လယ်မြေတွေကို စစ်တပ်က သိမ်းထားတာ ကို အ ထက်ကို စာရေး တိုင်ကြားတဲ့ အတွက် ခမရ ၃၇၉ တပ်ရင်းကို ခေါ်ယူပြီးဗျူဟာ မှူးက ခေါ်ယူ စစ်ဆေး မေးမြန်းတာ ဖြစ်ပါတယ်။ အဲသ လို စစ်ဆေးပြီးတဲ့ နောက်ပိုင်း မှာ ပြန် လွှတ်ပေးလိုက်ပါတယ်” ဟု အမည်မဖေါ်လိုသူ မင်းရွာက လူကြီး တစ်ဦးက ပြောသည်။
ရခိုင်ပြည်နယ် မင်းပြားမြို့နယ် အ၀ကျေးရွာအုပ်စုမှ လယ်သမားများ ပိုင်ဆိုင်သော စားကျက်မြေ အပါအ၀င် လယ်မြေဧက ၃၂၅ ဧကကို စစ် တပ်က ၂၀၀၄ ခုနှစ်ကတည်းက သိမ်းယူထားခဲ့သည်။ ထိုသို့ လယ်မြေများကို သိမ်းယူပြီးနောက် ဗြိတိသျှ နယ်ချဲ့ခေတ်က ချစ်တီး ကုလား များကဲ့သို့ စစ်တပ်က လယ်သမားများကို လယ်များကို ပြန်လည် ဌားရမ်း သီးစား ချထားခဲ့သည်။
“ ဗျူဟာမှူးက နောက် ဒီလို တိုင်းတန်းတာတွေ မလုပ်ဖို့ ပြောတယ်လို့ သိရပါတယ်။ ဒီနှစ် သီးစား ခကိုလည်း စစ်တပ်ကိုပေးစရာမလိုဘူး လို့လည်း လယ်သမားတွေကို ပြောခဲ့တယ်လို့ ဆိုပါတယ်။ရွာသားတွေကိုလည်း ကောင်းကောင်း မွန်မွန် ပြန်ပို့ပေးပါတယ်” ဟု ကျေးရွာ လူကြီး က ပြောသည်။
အ၀ကျေးရွာအုပ်စုမှ လယ်ဧက ၃၂၅ ဧကကို ခမရ ၃၈၀ က သိမ်းယူထားပြီး ခမရ ၃၇၉ တပ်ရင်းမှာ နယ်မြေခံ တပ်ရင်း ဖြစ်သဖြင့် အဆို ပါ တပ် ရင်းသို့ လယ်သမားများကို ခေါ်ယူ စစ်ဆေးခြင်း ဖြစ်သည်ဟု ဆိုသည်။
လယ်သမား ၂၈ ဦးကို မင်းပြားရဲစခန်းမှ နယ်ထိန်းတပ်ဖွဲ့မှ ခေါ်ယူပြီး ခမရ ၃၇၉ တပ်ရင်းသို့ ပို့ဆောင်ခဲ့သဖြင့် ဒေသခံ ကျေးရွာသား များ အ ကြားတွင် အထူး စိုးရိမ် ထိတ်လန့်မူများ ဖြစ်ပေါ်ခဲ့သည်ဟု သိရသည်။
Labels:
သတင်း
Subscribe to:
Post Comments (Atom)
No comments:
Post a Comment