သျှမ်းသံတော်ဆင့်
ကချင်ပြည်နယ်အတွင်း ဖြစ်ပေါ်နေသည့် KIA နှင့် မြန်မာအစိုးရစစ်တပ်တို့ လက်နက်ကိုင်ပဋိပက္ခများ အတွင်း နှစ်ဘက် စလုံး၏ ပစ်ခတ်မှုကြောင့် အရပ်သား သေဆုံးမှုများ ရှိကြောင်း သိရသည်။
ယခုလ ၉ ရက်နေ့ ည ၉ နာရီခန့်က မိုးမောက်မြို့နယ် လောဒန်ကျေးရွာရှိ လမ်းဘေးထမင်းဆိုင်ပိုင်ရှင် မောင်စိုးဆိုသူ သေ နတ်ဖြင့် ပစ်သတ်ခံခဲ့ရကြောင်း ဒေသခံတစ်ဦးက သျှမ်းသံတော်ဆင့်သို့ ပြောသည်။
“လောဒန်ရွာပေါ့ မိုးမောက်နဲ့ လွယ်ဂျယ် ကားလမ်းဘေးမှာရှိတယ်။ အဲဒီရွာမှာ ၉ ရက်နေ့ ည ၉ နာရီလောက် က လမ်း ဘေး ထမင်းရောင်းတဲ့ မောင်စိုး အသက်က ၃၈ နှစ် သေနတ်နဲ့ပစ်သတ်ခံရတယ်။လမ်းဘေးထမင်းဆိုင် ဆိုတော့ စားကြ သောက်ကြနဲ့ လူစုံတော့ ဘယ်သူ ပစ်သတ်သွားမှန်း မသိဘူး ” ဟု သူက ဆိုသည်။
KIA တပ်ဖွဲ့ဝင်များ အဆိုပါ လောဒန်ရွာသို့ အဝင်အထွက်ရှိသဖြင့် ယခုပစ်ခတ်မှုသည် KIA လက်ချက်ဖြစ်ဖွယ် ရှိကြောင်း ဒေသခံများက ထင်ကြေးပေး ပြောဆိုသည်။
အလားတူ ယခုလ ၉ ရက်နေ့က မြောက်ပိုင်းတိုင်းစစ်ဋ္ဌာနချုပ် လက်အောက်ခံ ခလရ ရ၄ မှ ဝင်းစင့်ရွာအနီးသို့ လက်နက် ကြီးဖြင့် ပစ်ခတ်တိုက်ခိုက်ရာ လယ်ကွင်းအနီး ကျည်ကျပေါက်ကွဲသဖြင့် ဝင်းစင့် ရွာသူတစ်ဦး သေဆုံးခဲ့ရပြီး အခြားတစ်ဦး ထိခိုက်ဒဏ်ရာရခဲ့ကြောင်း သိရသည်။
နှစ်ဘက်လက်နက်ကိုင် ပဋိပက္ခအတွင်း အရပ်သားပြည်သူများအပေါ် မှားယွင်းပစ်ခတ်မှု ၊ သံသယဖြင့်ပစ်သတ်မှု နှင့် မုဒိန်းကျင့်သတ်ဖြတ်မှုများ ကျူးလွန်နေခြင်း ဖြစ်သည်။
လွန်ခဲ့သည့်လအတွင်း ကချင်ပြည်နယ် မံစီမြို့နယ် ဟန်ထက်ကျေးရွာအနီးတွင် မုဒိန်းကျင့် သတ်ဖြတ်ခံရမှု ၁ ခု အပါအဝင် ပစ်သတ်ခံရ၍ သေဆုံးသူ အမျိုးသမီး ၂ ဦးရှိခဲ့ကြောင်း သိရသည် ။
No comments:
Post a Comment