၂၀၁၁ ခုနှစ် ဒီဇင်ဘာလ ၇ ရက်နေ့က ကရင် နီပြည် ရှားတောမြို့နယ် ဒေါဝယ်ရော ကျေးရွာနှင့် ရှမ်း - ကရင်နီ နယ်စပ် လမ်းကြား တနေ ရာတွင် အမျိုး သမီး တဦးအား စစ်တပ်မှ အဓ္ဓမ ပြု့ကျင့်ခဲ့ပြီး ပြုကျင့် သူအား လက်ငြိုး ထိုးပြရန် တပ်အရာရှိ များမှ တောင်းဆိုခဲ့ သော်လည်း ခံရသူက မပြနိုင်ကြောင်း သိရသည်။“ပြုကျင့် ခံရ သူနဲ့ အတူ ရွာလူကြီးနဲ့ ရပ်မိရပ်ဖ တို့က အဲဒီ တပ်စခန်းကို သွားတိုင်ကြား ပါတယ်။ ဘယ် တပ်မတော်က ပြုကျင့်လဲ ဆိုတာ ကို လက်ငြိုး ထိုးပြနိုင် ရမယ်လို့ တပ်ရင်း မှူးက စိန်ခေါ် လိုက်တဲ့ အခါမှာ ပြုကျင့်ခံရသူက မမှတ်မိ ဘူးတဲ့။ ပြုကျင့်သူက စစ်တပ် ဖြစ်တယ် ဆိုတာ သေချာ ပါတယ်တဲ့။ ဒါပေမဲ့ သူမကို အတင်း အဓ္ဓမ ပြု့ကျင့်စဉ်က မျက်နှာဖုံး ထားတယ်လို့ ဆိုပါတယ်” ဟု ရပ်မိ ရပ်ဖတို့နှင့် နီးစပ်သူ တဦးက ပြောပါသည်။
ပြုကျင့် ခံရသူ အသက် ၄၀ အရွယ် မော်စိုးမယ် (နာမည်အရင်း မဟုတ်) နှင့်အတူ ဒေါဝယ်ရော ရွာသူကြီးနှင့် ရပ်မိရပ်ဖ တို့သည် ပြစ်မှု ကျူး လွတ်သူအား အရေးယူ နိုင်ရန် ဒီဇင်ဘာလ ၁၂ ရက်နေ့က ရှားတောမြို့နယ် ထင်းရူးတောင် အခြေစိုက် ခမရ ၅၇၅ တပ်စခန်းသို့ သွားရောက် ခဲ့ခြင်း ဖြစ်သည်။
“ပြု့ကျင့်ခံရတဲ့ သူက တရားခံကို လက်ငြိုးထိုးပြလို့ မရမချင်း တရားခံကို အရေးယူလို့ မရဘူးလို့ စစ်တပ်ဘက်က ပြောပါတယ်” ဟု ရှားတောမြို့နယ်မှ ဒေသခံ တဦးက ပြောပါသည်။
ပြု့ကျင့်ခြင်း ခံရသူအတွက် တရားမျှတမှု ရရှိစေရန် ကယားပြည်နယ်ဝန်ကြီးချုပ်ထံ တိုင်ကြားစာ ပို့ဆောင်ထားသည်ဟု သိရသည်။ သက်သေအထောက်အထား မခိုင်လုံသည့် ထိုအမှု မကြီးထွားလာဖို့ လိုအပ်သည်ဟု ကယားပြည်နယ်ဝန်ကြီး အသိုင်းအ၀ိုင်းမှ လာသည့် သတင်းအရ သိရသည်။
“ဒေါဝယ်ရောရွာက အဖြစ်အပျက်ကို ပြည်နယ် ၀န်ကြီးချုပ် ဦးခင်မောင်ဦးကို အသိပေးကြပါတယ်။ ဒါပေမဲ့ သူဘာမှ မလုပ်ဘူး။ ကယား ပြည်နယ်က တခြားဝန်ကြီးတွေ၊ ဒေသအာဏာပိုင်တွေလည်း အားလုံးလိုလို သိထားကြပါပြီ။ ဒါပေမဲ့ သူတို့ တိပ်တိပ်ကလေးပဲ နေတယ်။ ဘာမှ ဆက်လုပ်တာ မတွေ့ဘူး” ဟု ၀န်ကြီးများနှင့် နီးစပ်သူ တဦးက ပြောသည်။
No comments:
Post a Comment