နေသွင်
မကြာခင်က ထောင်ကပြန်လွတ်လာ ကြတဲ့ ကို မင်း ကိုနိုင် ဦးဆောင်တဲ့ ၈၈ မျိုးဆက် တွေက ရှေ့ဆက် သွားမယ့် လုပ်ငန်း စဉ်နဲ့ ပတ်သက်လို့ လာမယ့် စနေ နေ့မှာ သတင်းစာ ရှင်းလင်းပွဲ လုပ် မယ်လို့ ၈၈ မျိုးဆက် ခေါင်းဆောင် တဦး ဖြစ်တဲ့ ကိုမြအေး က ပြောပါ တယ်။
“အဓိကကတော့ ကျနော်တို့ ၈၈ တွေအနေနဲ့ ဘာလုပ်ခဲ့တယ်၊ ဘယ်လိုနေရာမှာ ရပ်နေတယ်၊ ဘယ်ကိုသွားမယ်ဆိုတဲ့ဟာကို ကျနော်တို့ ရှင်းရှင်းလင်းလင်း ပြောသွားမှာ ဖြစ်ပါတယ်။”
ရန်ကုန်မြို့ ပြည်လမ်းမှာရှိတဲ့ တော်ဝင်စင်တာမှာ နေ့လယ် ၂ နာရီကနေ ၄ နာရီအထိ မီဒီယာတွေကို ဖိတ်ကြားပြီး ရှင်းလင်းသွားမယ်လို့ ဆိုပါတယ်။
လက်ရှိနိုင်ငံရေးအခင်းအကျင်းမှာ ၈၈ မျိုးဆက်တွေ ကြားထဲမှာ သဘောထားကွဲတာတွေ ဖြစ်ပေါ်နိုင်တယ်လို့ ကြိုတင်ခန့်မှန်းတာတွေ ရှိနေပေမယ့် တပတ်ကြာ ဆွေးနွေးမှုတွေအပြီးမှာ ၈၈ မျိုးဆက်တွေအားလုံး တညီတညွတ်တည်း ရှိနေတယ်လို့ ကိုမြအေးက ပြောပါတယ်။
“ကျနော်တို့ ထောင်ကလွတ်လာတဲ့လူတွေ အားလုံး တသဘောတည်း၊ တသားတည်း၊ တသွေးတည်း ရှိနေတယ် အားလုံးက။ ဘာမှ ကျနော်တို့မှာ သဘောထားကွဲလွဲမှု မရှိဘူး။ ကျနော်တို့ ၈၈ ထဲမှာ အားလုံး တသားတည်း ရှိနေပါတယ်။ သဘောထားတွေလည်း တထပ် တည်းပါ။ ကျနော်တို့ လွတ်လာပြီးတော့ ရက်ပိုင်းမှာ တောက်လျှောက်ပေါ့နော်။ ကျနော်တို့ တပတ်တိတိ ဆွေးနွေးပြီးတဲ့ အခါမှာ ဆုံးဖြတ်ချက်တွေ ကျပါပြီ။ ကျနော်တို့ ဆုံးဖြတ်ထားတဲ့အတိုင်းပဲ သတင်းစာရှင်းလင်းပွဲမှာ အသေးစိတ် ပြောသွားမှာ ဖြစ်ပါတယ်။”
၈၈ မျိုးဆက်ကျောင်းသားများအဖွဲ့ဟာ ၂၀၀၇ လောင်စာဆီ ဈေးနှုန်းမြင့်တက်သွားတာကို မကျေနပ်လို့ လမ်းလျှောက်ဆန္ဒပြစဉ် အဖမ်းခံရပြီး၊ နှစ်ရှည်ထောင်ဒဏ်တွေ ချမှတ်ခံရကနေ ပြီးခဲ့တဲ့ တပတ်က ပြန်လည် လွတ်မြောက်လာကြတာဖြစ်ပါတယ်။
No comments:
Post a Comment