“ သူတို့က ရဟတ်ယာဉ် သုံးစီးနဲ့ မင်းပြားမြို့နယ် စမ်းဘလေ ရွာကို လာပါတယ်။ အဲဒီမှာ ဆန် အိတ် ၅၀ ပေးတယ်။ မမန်း ခေါက်ဆွဲ ထုတ် တွေလည်း ပေးပါတယ်။ သင့်သင့်မြတ်မြတ် နေကြဖို့။ ပြဿနာတွေ ထပ်မဖြစ်အောင် နေ ထိုင်ကြဖို့ မွတ်ဆလင် ခေါင်းဆောင်တွေ ကို ပြောတာ တွေ့ရပါတယ်” ဟု အဆိုပါ ရွာသို့ သွားရောက်ခဲ့သူ ရခိုင်ပြည်နယ် မင်းပြားမြို့နယ် ပြည်နယ် လွှတ်တော် ကိုယ်စားလှယ် ဦးသာ ကျော်က ပြောသည်။
ဦးသာကျော်မှ ဒု သမ္မတ စိုင်းမောက်ခမ်းနှင့် အတူ လူပေါင်း ၅၀ ခန့်ပါဝင်ပြီး ထိုအထဲတွင် နိုင်ငံခြား သံတမန် အများအပြား ပါဝင်သည် ဟု ဆိုသည်။
စမ်းဘလေ မွတ်ဆလင်ရွာသည် အိမ်ခြေပေါင်း ၂၀၀ ကျော်ရှိပြီး အောက်တိုဘာလ ပဋိပက္ခအတွင်း အိမ်ခြေ ၁၀၀ ကျော် မီးရှို့ခံခဲ့ရ သည်။ အချို့ပါကျေးရွာမှ ရွာသား တချို့သည် လွန်ခဲ့သော တပတ်ကျော်က ရခိုင်အမျိုးသား တစ်ဦးဖြစ်သူ ဦးမောင်သိန်းနုကို ၀ိုင်းဝန်း တိုက်ခိုက် သဖြင့် ဒဏ်ရာ ပြင်းထန်စွာ ရရှိသွားပြီး မင်းပြား ဆေးရုံတင်ထားရသည်။
ဒုတိယ သမ္မတ ခရီးစဉ်နှင့် ပတ်သက်ပြီး မြောက်ဦးမြို့နယ် ယိုင်သည် မွတ်ဆလင်ရွာကို ဆက်လက် မေးမြန်းရာ ရွာသား တစ်ဦး ဖြစ်သူ ဦးစိုး နိုင်ထွန်းက ယခုလို ပြောသည်။
“ ကျွန်တော်တို့ရွာကိုတော့ မရောက်ဘူး။ ရဟတ်ယာဉ်တွေ ပျံတာတော့ ကြားရပါတယ်။ ကျွန်တော်တို့ ရွာကိုတော့ မလာဘူး” ဟု ပြော ဆို သည်။
ဒုတိယ သမ္မတနှင့် နိုင်ငံခြား သံတမန်များသည် ယမန်နေ့က မောင်တောမြို့သို့ ရောက်ရှိလာကြောင်း သိရသည်။
ဒေါက်တာစိုင်းမောက်ခမ်း နှင့်မြန်မာနိုင်ငံ ရဲချူပ် ဦးကျော်ကျော်ထွန်း၊ လူဝင်မှုကြီးကြပ်ရေးနှင့် ပြည်သူ့ အင်အားဦးစီးဌာန မှ ၀န်ကြီး ဦး ခင်ရီ အပါအ၀င် မြန်မာနိုင်ငံ သံတမန်ကိုယ်စားလှယ်များလည်း ပါဝင်သည်ဟု သိရသည်။
( ယမန်နေ့က နိရဉ္စရာက ဖေါ်ပြသော သတင်းတွင် ဒုသမ္မတသည် စစ်တွေမှ မြေပုံသို့ ထွက်ခွာသွားသည်ဟု မှားယွင်း ဖေါ်ပြပါရှိသွားပါ သည်။ အမှန်မှာ ဒုသမ္မတသည် ယမန်နေ့က မြေပုံမြို့ကို လာရောက်ခဲ့ခြင်း မရှိဘဲ မင်းပြားကို သာ လာရောက်ခဲ့သည်ဟု သိရပါသည်။)
No comments:
Post a Comment