မြန်မာ့စီးပွားရေး တိုးတက်ဖို့ရှိလို့ IMF ပြော

ABC

နိုင်ငံတကာ ​ငွေကြေးရံပုံငွေအသင်း ​IMF ​ရဲ့ ​ခန့်မှန်းချက်အရ ​မြန်မာနိုင်ငံရဲ့ ​စီးပွားရေးအခြေအနေ ​တိုးတက်ဖို့ ​ရှိနေပြီး ​ပြည်တွင်းအသားတင် ​ထုတ်ကုန် ​GDP ​က ​၇.၃ ​% ​ရှိရာကနေ ​လာမယ့်နှစ်မှာ ​၇.၈% ​အထိ ​တိုးတက်လာနိုင်တယ်လို့ ​ခန့်မှန်းထားတာ ​ဖြစ်ပါတယ်။

မြန်မာအစိုးရ ​အနေနဲ့ ​နိုင်ငံခြားက ​ရင်းနှီးမြုပ်နှံသူတွေ ​လှိမ့်ဝင်လာတာကို ​လိုလားပေမယ့် ​ထင်သလောက် ​ဖြစ်မလားတဲ့ကြားက ​၂၀၁၄-၂၀၁၅ ​မှာ ​စီးပွားရေး ​တိုးတက်လာနိုင်တယ်လို့ ​IMF ​က ​ခန့်မှန်းထားတာ ​ဖြစ်ပါတယ်။

မြန်မာဗဟိုဘဏ်ကို ​ပြုပြင်ပြောင်းလဲရေး ​လုပ်တဲ့အနေနဲ့ ​အစိုးရက ​ဗဟိုဘဏ်ကို ​ကိုယ်ပိုင်ဆုံးဖြတ်ပိုင်ခွင့် ​တချို့ ​ပေးလာတဲ့အပေါ် ​IMF ​က ​ကြိုဆိုလိုက်ပြီး ​ဆုံးဖြတ်ပိုင်ခွင့်ပိုင်းမှာ ​ဒီထက် ​လုပ်ဆောင်ခွင့်ပေးသင့်ပေမယ့် ​ဒီကိစ္စမျိုးက ​အချိန်ယူရမှာ ​ဖြစ်တယ်လို့လည်း ​ပြောလိုက်ပါတယ်။

မြန်မာနိုင်ငံမှာ ​GDP ​တိုးတက်မှုတွေရှိတယ်လို့ ​ခန့်မှန်းထားချိန်မှာပဲ ​တဖက်မှာလည်း ​ငွေကြေးဖောင်းပွမှုနှုန်း ​၆% ​တိုးလာနိုင်တယ်လို့ ​ခန့်မှန်းထားပါတယ်။

ငွေကြေးဖောင်းပွမှုတွေအပြင် ​လျှပ်စစ်မီတာခ ​ဈေးနှုန်း ​မြင့်တက်လာနိုင်ပြီး ​ဒီလို ​ဖြစ်စဉ်တွေဟာ ​အသွင်ကူးပြောင်းရေး ​လုပ်နေတဲ့ ​နိုင်ငံတွေမှာ ​ဖြစ်လေ့ဖြစ်ထ ​ရှိတယ်လို့လည်း ​ပြောပါတယ်။

မြန်မာနိုင်ငံ ​ဖွံ့ဖြိုးရေးအတွက် ​အစိုးရအနေနဲ့ ​ကဏ္ဍပေါင်းစုံမှာ ​ငွေကြေးတွေ ​ပိုမိုသုံးစွဲဖို့ ​လိုအပ်ပေမယ့် ​ပိုမို ​သုံးစွဲနိုင်ဖို့အတွက် ​အခွန် ​ကောက်ခံတဲ့ ​စနစ်တွေ ​ဒီထက် ​ပိုလုပ်သင့်တယ်လို့လည်း ​ပြောသွားခဲ့ပါတယ်။

စိုက်ပျိုးရေး ​လုပ်ငန်းတွေမှာ ​နိုင်ငံခြား ​ရင်းနှီးမြုပ်နှံမှု ​ဝင်ရောက်လာဖို့ ​ဖိတ်ခေါ်

မြန်မာနိုင်ငံရဲ့ ​စိုက်ပျိုးရေး ​လုပ်ငန်းတွေမှာ ​နိုင်ငံခြားရင်းနှီးမြုပ်နှံမှုတွေ ​ဝင်ရောက်လာဖို့အတွက် ​မြန်မာ့စိုက်ပျိုးရေး ​ထိပ်သီးဆွေးနွေးပွဲကို ​မနေ့တုန်းက ​ရန်ကုန်မြို့ ​အင်းယားလိပ် ​ဟော်တယ်မှာ ​စတင်ပြုလုပ်ခဲ့ပါတယ်။

၂ ​ရက်တာ ​ပြုလုပ်မယ့် ​ဆွေးနွေးပွဲကို ​အရှေ့တောင်အာရှက ​နိုင်ငံတွေနဲ့ ​ဥရောပ ​နိုင်ငံတွေ ​အပြင် ​နိုင်ငံပေါင်း ​၁၈ ​နိုင်ငံက ​လုပ်ငန်းရှင်တွေ ​တက်ရောက်ဆွေးနွေးမှာဖြစ်ပါတယ်။ ​အဲဒီ ​ဆွေးနွေးပွဲနဲ့ ​ပက်သက်ပြီး ​ဦးဆောင်ကျင်းပတဲ့ ​မလေးရှားအခြေစိုက် ​Confexhub ​ကုမ္ပဏီက ​အကြံပေး ​ဦးဇင်မင်းက ​အခုလို ​ပြောပါတယ်။

“ဒီနေ့ပွဲကတော့ ​အဓိကတော့ ​စိုက်ပျိုးရေးကို ​အဓိက ​Target ​ထားတဲ့ ​ပွဲပေါ့။ ​ဒီစိုက်ပျိုးရေးနဲ့ ​ပက်သက်ပြီးတော့ ​မြန်မာနိုင်ငံမှာ ​ဘယ်လို ​ပေါ်လစီတွေရှိတယ်။ ​အစိုးရ ​ဘယ်လို ​ပေါ်လစီတွေ ​ချမှတ်ထားတယ်။ ​ပြီးတော့ ​နိုင်ငံခြားက ​ရင်းနှီးမြုပ်နှံမယ့် ​သူတွေ ​အနေနဲ့လည်း ​ဒီပေါ်လစီတွေ ​သိရအောင် ​အခွင့်အလမ်းတွေ ​ဘယ်လိုရှိတယ်ဆိုတာသိရအောင် ​မြန်မာနိုင်ငံမှာ ​အဓိက ​လိုအပ်နေတာကတော့ ​နည်းပညာပေါ့နော်။ ​အဲဒီအတွက်လည်း ​ကျွန်တော်တို့က ​ဒီပွဲတွေကို ​လုပ်တာပေါ့နော်။ ​နိုင်ငံပေါင်း ​၁၈ ​နိုင်ငံက ​လာပါတယ်။”

တက်ရောက်ဆွေးနွေးခဲ့တဲ့ ​ပြည်ပလုပ်ငန်းရှင်တွေရဲ့ ​စိတ်ဝင်စားမှုဟာ ​နယ်ပယ်အလိုက် ​ကွဲပြားပေမယ့် ​ဒီဆွေးနွေးပွဲဟာ ​နိုင်ငံတကာရဲ့ ​ရင်းနှီးမြုပ်နှံမှုကို ​အဓိက ​ဖိတ်ခေါ်နိုင်မယ်လို့လည်း ​ယုံကြည်တယ်လို့ ​ဆိုပါတယ်။

တဆက်တည်းမှာပဲ ​မြန်မာနိုင်ငံအတွင်းမှာ ​နိုင်ငံခြားရင်းနှီးမြုပ်နှံသူတွေနဲ့ ​ပြည်တွင်း ​လုပ်ငန်းရှင်တွေအတွက် ​ပို့ကုန်ပစ္စည်း ​သတ်မှတ်ပေးထားတဲ့အကြောင်း ​စီးပွားရေးနဲ့ ​ကူးသန်းရောင်းဝယ်ရေး ​ဝန်ကြီးဌာန၊ ​ကုန်သွယ်မှု ​ဌာနစိတ်၊ ​ညွှန်ကြားရေးမှူး ​ဦးဝင်းမြင့်က ​ပြောပါတယ်။

နိုင်ငံခြား ​ရင်းနှီးမြုပ်နှံသူတွေအနေနဲ့ ​လုပ်ငန်းအမျိုးအစားပေါ်မူတည်ပြီး ​ကုန်သွယ်မှု ​ဖြေလျှော့တဲ့ ​ကိစ္စရပ်တွေလည်း ​ရှိတယ်လို့ ​ဆိုပါတယ်။ ​သမ္မတဦးသိန်းစိန် ​အစိုးရလက်ထက်မှာ ​နိုင်ငံခြား ​ရင်းနှီးမြုပ်နှံမှုတွေ ​ဝင်ရောက်လာဖို့အတွက် ​ဖိတ်ခေါ်ခဲ့ပေမယ့် ​ရင်းနှီးမြုပ်နှံသူ ​တွေအတွက် ​မြန်မာနိုင်ငံရဲ့ ​လက်ရှိ ​နိုင်ငံခြား ​ရင်းနှီးမြုပ်နှံမှု ​ဥပဒေဟာ ​အာမခံချက် ​သိပ်မရှိဘူးလို့ ​စီးပွားရေး ​ပညာရှင်အချို့က ​ဝေဖန်ထားကြောင်း ​ရေဒီယို ​သြစတြေးလျ ​သတင်းထောက် ​စူးရှက ​သတင်းပေး ​ပို့ထားပါတယ်။