ဒေါ်အောင်ဆန်း စုကြည်အမှု နောက်ဆက်တွဲ သတင်းများ

ဒေါ်စုလွှတ်ပေးရေးနှင့် တွေ့ဆုံဆွေးနွေးရေး အန်အယ်ဒီ အလေးထား တောင်းဆို

ဗုဒ္ဓဟူးနေ့၊ မေလ 27 2009 15:27 - မြန်မာစံတော်ချိန်

ဒေါ်အောင်ဆန်းစုကြည်ကို လွှတ်ပေးရန်နှင့် အမျိုးသား ပြန်လည်သင့်မြတ်ရေးအတွက် တွေ့ဆုံ ဆွေးနွေးရေး ပြုလုပ်ပါရန် စစ်အစိုးရကို ထပ်လောင်း တောင်းဆိုလိုက်သည့် ကြေညာချက်တရပ်ကို အမျိုးသား ဒီမိုကရေစီ အဖွဲ့ချုပ်က ယနေ့ ထုတ်ပြန်လိုက်သည်။

၁၉ နှစ်မြောက် ရွေးကောက်ပွဲ နှစ်ပတ်လည်နေ့ အခမ်းအနား တရပ်ကို ရန်ကန်ုရှိ အတိုက်အခံ ပါတီ၏ ရုံးချုပ်တွင် ယနေ့နေ့လည်က ပြုလုပ်ခဲ့ပြီး စာမျက်နှာ ၂ မျက်နှာပါ ကြေညာချက် ထုတ်ပြန်ရာတွင် အလေးထား တင်ပြထားခြင်း ဖြစ်သည်။
--------------------------------------------------------------------------

ကျောက်ပန်းတောင်းမှာလည်း လုံခြုံရေးများ ချထားလာ

ဗုဒ္ဓဟူးနေ့၊ မေလ 27 2009 13:20 - မြန်မာစံတော်ချိန်

မန္တလေးတိုင်း ကျောက်ပန်းတောင်းမြို့တွင် ယမန်နေ့ညမှ စတင်ကာ လုံခြုံရေးများ တိုးမြှင့်ချထားလာသည်။

ရဲများက ဆိုင်ကယ်များဖြင့် တမြို့လုံး လှည့်လည်နေပြီး၊ အရပ်ဝတ်နှင့် ကြံ့ဖွံ့များက ဆုတောင်းပြည့် စေတီကြီးအနီးတွင် စောင့်ကြပ်နေခြင်း ဖြစ်သည်။

ယခုလ ၂၅-၂၆ ရက်နေ့များတွင် ဒေါ်အောင်ဆန်းစုကြည် လွတ်မြောက်ရေး ဆုတောင်းပွဲကို အန်အယ်ဒီ မျိုးဆက်သစ်လူငယ်၊ ကျောင်းသားလူငယ်အဖွဲ့နှင့် အရပ်သား လူငယ်များ အမည်ခံထားသည့် လူငယ်အင်အား ၃၀ ခန့်က စေတီတော်ကြီးတွင် ပြုလုပ်ခဲ့ပြီးနောက် အာဏာပိုင်များဘက်က လုံခြုံရေး တိုးမြှင့်လာခြင်းလည်း ဖြစ်သည်။

ထို့အပြင် ယနေ့သည် ရွေးကောက်ပွဲ နှစ်ပတ်လည်နေ့နှင့် ဒေါ်အောင်ဆန်းစုကြည် အကျယ်ချုပ်မှ လွတ်မြောက်ရမည့်နေ့လည်း ဖြစ်သဖြင့် ယခုလို လုပ်ဆောင်ခြင်း ဖြစ်နိုင်ကြောင်း ဒေသခံတဦးက ပြောသည်။

-------------------------------------------------------------------------------

ရွေးကောက်ပွဲ အောင်ပွဲနေ့ အန်အယ်ဒီ ရုံးချုပ်မှာ ကျင်းပ၊ လုံခြုံရေးများ လှည့်ပတ်စောင့်ကြပ်

ဗုဒ္ဓဟူးနေ့၊ မေလ 27 2009 13:10 - မြန်မာစံတော်ချိန်

၁၉၉၀ ရွေးကောက်ပွဲတွင် အနိုင်ရရှိခဲ့သည့် အမျိုးသား ဒီမိုကရေစီအဖွဲ့ချုပ်က ၁၉ နှစ်မြောက် ရွေးကောက်ပွဲ အောင်ပွဲနေ့ အခမ်းအနားကို ရန်ကုန်တိုင်း ဗဟန်းမြို့နယ်ရှိ ရုံးချုပ်တွင် ကျင်းပရာ အာဏာပိုင်များက ရုံးအနီးတဝိုက်တွင် အရပ်ဝတ်နှင့် လုံခြုံရေးများ ချထားသလို၊ ရဲကားများဖြင့်လည်း လှည့်ပတ်ကြည့်ရှုနေကြောင်း ကိုယ်တိုင်မြင်တွေ့ရသူ တဦးက မဇ္ဈိမကို ယခုလို ပြောသည်။

''နှစ်ပတ်လည် အခမ်းအနားကို အဖွဲ့ချုပ်မှာ လုပ်တယ်။ ၁၂ နာရီက စလုပ်တာ။ ၁ နာရီခွဲ ၂ နာရီလောက်မှ ပြီးမယ်။ လုံခြုံရေးက ရှိတော့ရှိတယ်။ ဘယ်လောက်ရှိတယ်ဆိုတာ ပြောလို့မရဘူးဗျ။ သူတို့က မာဖီ (အရပ်ဝတ်) နဲ့ဆိုတော့။ ပေါ်တင်တော့ မရှိဘူး။ ကားနဲ့လှည့်တာတော့ ရှိတယ်။ ရဲကားနဲ့ လှည့်တယ်။ မြို့ကို လှည့်ရင်းနဲ့ ရုံးပတ်ပတ်လည် လှည့်တာ။ တခေါက်ခေါက်တွေ့ရင် ၁၀ စီးလောက် တွေ့တယ်။ တခါတလေလည်း ၆ စီးလောက် တွေ့တယ်။

လူ ဘယ်လောက်လာတယ် မပြောတတ်ဘူး။ လူ တော်တော်များတယ်။ နယ်က လူတွေ အများကြီး လာကြတယ်။ တောင်သာ၊ မြင်းခြံ၊ တောင်ငူ၊ ကျောက်ပန်းတောင်းတို့ဆီက အန်အယ်ဒီ အဖွဲ့ဝင်တွေ လာကြတယ်။ ဘယ်လောက်ဆိုတာ ကျနော် မခန့်မှန်းတတ်ဘူးဗျ။ ကျနော်က အပြင်မှာ ရှိနေတာ''။
---------------------------------


အင်းစိန်ထောင်ရှေ့နှင့် ရန်ကုန်မြို့တွင်းမှာ လုံခြုံရေးများ တင်းကျပ်လှည့်ပတ်

ဗုဒ္ဓဟူးနေ့၊ မေလ 27 2009 12:50 - မြန်မာစံတော်ချိန်

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား စတင်၍ စွဲချက်တင်ပြီးနောက် အင်းစိန်ထောင်တွင်း တရားရုံးက စစ်ဆေး ကြားနာမှုများ ပြုလုပ်သည့် တတိယမြောက်နေ့နှင့် ၁၉၉ဝ ခုနှစ် ရွေးကောက်ပွဲ ၁၉ နှစ်မြောက် နှစ်ပတ်လည်နေ့ဖြစ်သည့် ယနေ့တွင် အင်း စိန်ထောင် ပတ်ဝန်းကျင်နှင့် ရန်ကုန်မြို့တွင်း၌ လက်နက်ကိုင် လုံခြုံရေးများ တိုးမြှင့်ချထားလာကြောင်း သိရသည်။

အခြေအနေကို လေ့လာနေသူတဦးက မဇ္ဈိမကို ပြောပြထားသည်။

''ဒီနေ့တော့ လုံခြုံရေး အရင်နေ့တွေကထက် ပိုတင်းကျပ်တယ်။ သူတို့ (အာဏာပိုင်များ) ဘာကြားလို့လဲတော့ ကျနော် မပြောတတ်ဘူး။

ကျနော် သိရသလောက်က အင်းစိန်ဈေးရှေ့မှာ လုံထိန်းကား ၈ စီး မနက်ကတည်းက ချထားတယ်။ လက်နက် အပြည့်အစုံနဲ့ပေါ့။ အင်းစိန်ထောင်နဲ့ ဈေးနဲ့က ဆက်နေတယ်။ ပြီးတော့လည်း ရန်ကုန်တမြို့လုံးကို လုံထိန်းကားတွေနဲ့ ပတ်နေတယ်။ တချို့ တွေ့တဲ့သူတွေ ပြောတာက ၇ မိုင်ဘက်၊ မင်္ဂလာတောင်ညွန့် မြို့နယ်တွေဘက်မှာ ၄-၅ စီး ပတ်နေတယ်လို့ ပြောကြတယ်။

ကြံ့ဖွံ့တွေနဲ့ စွမ်းအားရှင်တွေကတော့ လာကြည့်တဲ့ ပရိသတ်တွေထဲမှာ ရောနေတာပေါ့ဗျာ။ ဆိုက်ကားသမား ပုံစံတွေလို လုပ်ပြီးတော့ ရောနေကြတာ။

မိုးက အုံ့တယ်။ လူသွားလူလာ တော်တော်ရှင်းတယ်''။
---------------------------------


ဒီချုပ်ရုံးရှေ့ ကားပေါ်မှ စာရွက်ကြဲ

ဗုဒ္ဓဟူးနေ့၊ မေလ 27 2009 12:25 - မြန်မာစံတော်ချိန်

နယ်စပ်မှ ဖောက်ခွဲရေး သမားများ ဝင်ရောက် လာပြီဟု ရေးသား ထားသော စာရွက်များကို ရန်ကုန်မြို့ရှိ အမျိုးသား ဒီမိုကရေစီ အဖွဲ့ ချုပ် ရုံးရှေ့တွင် ကားပေါ်မှ ကြဲချမှု ယနေ့ နေ့လည် ၁၁ နာရီ ခွဲက ဖြစ်ပွား ခဲ့သည်။

အရှိန်ပြင်းစွာ မောင်းနှင်လာသော ပါပလေကား အပြာရောင်တစီးပေါ်မှ A4 အရွယ်အစား စာရွက် ၁၅ ရွက်ခန့် ကြဲချသွားရာ စာရွက်ပေါ်တွင် ခွပ်ဒေါင်းတံဆိပ်နှင့် အန်အယ်ဒီ စာတန်းပါကာ ကွန်ပြူတာဖြင့် စာစီထားခြင်းဖြစ်သည်။

အန်အယ်ဒီပါတီက လုပ်ဆောင်ဟန်ဖြင့် လုပ်ကြံ ဖန်တီးထားခြင်း ဖြစ်ကြောင်း မျက်မြင်သက်သေ တဦးဖြစ်သော အန်အယ်ဒီရုံးချုပ်သို့ ရောက်ရှိနေသူ ပါတီဝင်တဦးက ပြောသည်။
------------------------------------------------------------------------------

ဗိုလ်ချုပ်ဈေးမှာ လုံခြုံရေး သတိပေး

ဗုဒ္ဓဟူးနေ့၊ မေလ 27 2009 11:15 - မြန်မာစံတော်ချိန်

ရန်ကုန်မြို့လယ် ဗိုလ်ချုပ်ဈေးတွင် ဈေးအုပ်ချုပ်ရေးက ၂၇ ရက်၊ ၂၈ ရက် နှင့် ၂၉ ရက်များတွင် အစိုးရဆန့်ကျင်ရေး ဆန္ဒပြပွဲများ ဖြစ်လာနိုင်ဖွယ်ရှိ၍ ဆိုင်ခန်းများ လုံခြုံရေးသတိရှိကြရန် သတိပေးမှုများ ရှိနေသည်။

ယနေ့နံနက်တွင် ဗိုလ်ချုပ်ဈေးနှင့် ကမ်းနားလမ်းနေရာအချို့တွင် လက်နက်ကိုင်ရဲများ ချထားပြီး ကြံ့ခိုင် ဖွံ့ဖြိုးရေးနှင့် စွမ်းအားရှင်များကိုပါ တွေ့မြင်နေကြရသည်။
---------------------------------------------------------------------------------

ရွေးကောက်ပွဲ နှစ်ပတ်လည်နေ့

ဗုဒ္ဓဟူးနေ့၊ မေလ 27 2009 11:07 - မြန်မာစံတော်ချိန်

ရန်ကုန်မြို့ ဗဟန်းမြို့နယ် ရွှေဂုံတိုင်လမ်းရှိ အမျိုးသား ဒီမိုကရေစီ အဖွဲ့ချုပ်တွင် ရွေးကောက်ပွဲ နှစ်ပတ်လည်နေ့ အခမ်းအနားကို ယနေ့တွင် ပြုလုပ်မှာ ဖြစ်သည်။ ၁၉၉ဝ ခုနှစ် အထွေထွေ ရွေးကောက်ပွဲတွင် ဒေါ်အောင်ဆန်းစုကြည် ဦးဆောင်သော အန်အယ်ဒီသည် မဲအပြတ်သတ်ဖြင့် အနိုင်ရခဲ့သော်လည်း စစ်အစိုးရက အာဏာလွှဲပေးရန် ငြင်းဆန်ခဲ့သည်။
----------------------------------------------------------------------------------

ဒေါ်အောင်ဆန်းစုကြည်အိမ်စောင့် လုံခြုံရေးများကို အင်္ဂပူသို့ ပြောင်းရွှေ့

ဗုဒ္ဓဟူးနေ့၊ မေလ 27 2009 11:00 - မြန်မာစံတော်ချိန်

ဒေါ်အောင်ဆန်းစုကြည်၏ နေအိမ် လုံခြုံရေး ယူထားခဲ့သော လုံထိန်းရဲ တပ်ရင်း (၇) ကို ဧရာဝတီတိုင်း အင်္ဂပူမြို့သို့ အမေရိကန် နိုင်ငံသား ဂျွန်ယက်တောကို ဖမ်းဆီးမိပြီး နောက်တရက်ဖြစ်သော မေလ ၇ ရက်နေ့ကစ၍ ပြောင်းရွှေ့ပစ်ခဲ့သည်။

ထို့အပြင် နောက်ပိုင်းတွင် ဒေါ်အောင်ဆန်းစုကြည် နေအိမ်ရှေ့ လမ်းပိတ်ရာတွင် အသုံးပြုထားသော သံဆူးကြိုး အကာအရံ အတားအဆီးများကို အင်းစိန်ထောင် အနီးနှင့် ရန်ကုန်မြို့အဝင် ထောက်ကြံ့တို့သို့ ပြောင်းရွှေ့ အသုံးပြုခဲ့သည်။

လုံထိန်း ရဲတပ်ရင်းမှာ စစ်အစိုးရက တင်ပြသော တရားလိုပြ သက်သေစာရင်းတွင် ပါဝင်လာခြင်း မရှိတော့ပေ။
---------------------------------------------------------------------------------------------

ယမန်နေ့က ကြားနာမှုတွင် ဒေါ်အောင်ဆန်းစုကြည်ကိုယ်တိုင် ထွက်ဆိုခဲ့ပုံကို မူကေးက သရုပ်ဖော်ထားခြင်းဖြစ်သည်။


------------------------------------------------------------------------------------
ဒေါ်အောင်ဆန်းစုကြည်ကို ခြွင်းချက်မရှိ လွှတ်ပေးရန် သမတ အိုဘားမား တောင်းဆို

ဗုဒ္ဓဟူးနေ့၊ မေလ 27 2009 09:54 - မြန်မာစံတော်ချိန်

အမေရိကန် သမတကြီး ဘရက်ခ် အိုဘားမားက ဒေါ်အောင်ဆန်းစုကြည်ကို ခြွင်းချက်မရှိ ချက်ခြင်း လွှတ်ပေးရန် မြန်မာစစ်အစိုးရကို တောင်းဆိုလိုက်သည်။

ဒေါ်အောင်ဆန်းစုကြည်ကို နေအိမ် အကျယ်ချုပ် ကာလအတွင်း စည်းကမ်း ချိုးဖောက်တယ်ဆိုတဲ့ စွပ်စွဲချက်ဟာ အခြေအမြစ် ကင်းမဲ့ကြောင်းနဲ့ ဆက်လက် ဖမ်းဆီး ထိန်းသိမ်းထားတဲ့အပေါ် ရှုတ်ချတယ် ဆိုတဲ့အကြောင်း အင်္ဂါနေ့ထုတ် အိမ်ဖြူတော်ရဲ့ ကြေညာချက်ထဲမှာ ဖော်ပြထားပါတယ်။

မြန်မာအစိုးရ အနေဖြင့် တိုင်းသူပြည်သားများ၊ အမျိုးသား ဒီမိုကရေစီ အဖွဲ့ချုပ်နှင့် အခြားသော တိုင်းရင်းသား အဖွဲ့များနှင့် အတိုက်အခံ အဖွဲ့များအပေါ် လေးစားသမှုပြသပြီး အမျိုးသား ပြန်လည် သင့်မြတ်ရေးအတွက် လုပ်ဆောင်နိုင်သည့် အခွင့်အလမ်း ရှိနေကြောင်း သမတ အိုဘားမားက ပြောဆိုထားသည်။

ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများကို လွှတ်ပေးခြင်းအားဖြင့် အမေရိကန်နှင့် နိုင်ငံတကာ အသိုင်းအဝိုင်း၏ ယုံကြည်မှုကို ပြန်လည်ရရှိပြီး တိုင်းသူပြည်သားများအတွက် ပိုမို ကောင်းမွန်သော အနာဂတ်တခုကို တက်လှမ်းနိုင်ရေး အရေးပါသော ခြေလှမ်းတခု ဖြစ်ပေလိမ့်မည်ဟုလည်း ပါရှိသည်။