အချင်းချင်း ပစ်ကြခတ်ကြသတ်ကြလော့

မင်းစိုင်းနွန်ဒေါ

အဖွဲ့အစည်း၊ လူပုဂ္ဂိုလ် တွေကြားမှာ အကြောင်း အရာ အခင်း အကျင်း သစ်တစ် မျိုးမျိုး ဖြစ်ပေါ် သက်ရောက် လာတိုင်း အများ အားဖြင့် အမြင် နှစ်မျိုး သို့မဟုတ် သုံးလေးမျိုး ကွဲသွား တတ်ကြပြီး အချင်း ချင်းပင်လျှင် အငြင်း အခုံဖြစ်ကြ ကာ နောက်ဆုံး လမ်းခွဲကြ တဲ့အထိ ဖြစ်သွားရ တတ်ပါ တယ်။ နောက်ဆုံးမှာ ရန်သူ အဆင့် ထိလည်း ရောက်ရှိသွား နိုင်ကြပါ တယ်။

ယခု နအဖရဲ့အခင်းအကျင်းသစ်တစ်ရပ် တိုင်းရင်းသားလက်နက်ကိုင် တပ်ဖွဲ့တွေကြား ပြဿနာသစ်တစ်ခု အစပျိုးထား လိုက်ပါပြီ၊ အနိမ့်ဆုံး လက်နက်ချအဖွဲ့တွေမှာတောင် အကွဲအပြဲ ဖြစ်သွားနိုင်တယ်၊ ဒီလိုအဖွဲ့တွေအနေနဲ့က လုံးဝငြင်း ပယ်လို့လဲမရ၊ နအဖ လက်ခုတ်ထဲကရေ၊ သူ့ခြံထဲမှာ ရှိနေတဲ့ ကြက်တွေပဲ၊ အချင်းချင်း ခွပ်ခိုင်းလို့လဲရတယ် ဒါမှမဟုတ် အချိန်မရွေး ချက်စားလို့လည်း ရနိုင်ပါတယ်။

အပစ်ရပ်ငြိမ်း အဖွဲ့တွေမှာတော့ Gentlemen Agreement မှာမပါခဲ့တဲ့ နယ်ခြားစောင့် တပ်ဖွဲ့ကိစ္စပါ။ ဒါတွေဟာ မိမိ အဖွဲ့အစည်းအတွင်း အချင်းချင်း အကွဲအပြဲဖြစ်အောင်၊ မဟာမိတ်အဖွဲ့အစည်းတွေမှာလည်း အချင်းချင်း လက်နက်ကိုင် ပဋိပက္ခတွေ ဖြစ်ပွားလာအောင် နအဖရဲ့ တိုက်ကွက်အသစ် နည်းဗျူဟာတစ်ရပ်ပါ၊ နအဖ ပစ်ချလိုက်တဲ့ ငါးစာကို ဝင်ဟပ်မဲ့ ပုဂ္ဂိုလ်ကြီးတွေကလည်း အဆင်သင့်ပါပဲ၊ အချို့အဖွဲ့အစည်းတွေမှာ ထိပ်ပိုင်းနေရာ ရယူထားသူတွေကို နအဖက ခါးပိုက်ဆောင်ထားပြီးသားမို့ တရားဝင်အဖွဲ့အစည်းတစ်ရပ်အဖြစ် အသိအမှတ်ပြုခံရမယ်ဆိုတော့ ရင်ကော့ပြီး တစ်သွေမတိမ်း လိုက်လုပ်ပေးကြမှာပါပဲ။

ဒါကြောင့် နအဖအနေနဲ့ ဘယ်လိုမှ အဆုံးမသတ်ရဲ ဖြစ်နေတဲ့ မြန်မာ့နိုင်ငံရေးသံသရာဟာ အချိန်ကြာလာတာနဲ့အမျှ အမှားတွေတစ်ခုပြီးတစ်ခု တိုးလာနေပြီး နောက်ဆုံး ဖွတ်မြီးကို ဖွတ်လည်ပင်းပတ်တဲ့ကိန်း ဖြစ်လာမှာကို အင်မတန် စိုးရိမ်နေကြရပါတယ်၊ သူ့ကိုယ်ငါမယုံ ငါ့ကိုသူမယုံ ဖြစ်နေကြပြီး ရယူထားတဲ့အာဏာကို လက်ပေါ်ကမလွှတ်ရဲတော့ပါ၊ ဒါပေမဲ့ မိမိဘာတွေပြုခဲ့တာကို မိမိအသိဆုံးမို့ သံသရာကတော့ တနေ့လည်လာမှာပါဘဲ။

နအဖရဲ့ ရာသက်ပန် စစ်အစိုးရ အာဏာတည်မြဲစေရေးအတွက် တစ်ဖက်က ဒီမိုကရေစီလှုပ်ရှားသူမှန်သမျှကို ဖြစ်သည့် နည်းနဲ့ နှိမ်နင်း၊ အထူးသဖြင့် ယခုရက်ပိုင်းမှာ အကျယ်ချုပ်က လွတ်မြောက်ရတော့မဲ့ ဒေါ်အောင်ဆန်းစုကြည်ကို ရမယ် ရှာကြံပြီး ထောင်ချမဲ့လုပ်ရပ်တွေဟာ ၂၀၁၀ ဆိုတဲ့ သူတို့(နအဖ)ရဲ့ ရွေးကောက်ပွဲမှာ နိုင်ငံရေးသမား အားလုံးကို ထောင်ထဲ အတင်းမောင်းသွင်းပြီး သူတို့လူနဲ့သူတို့ လွတ်လွတ်လပ်လပ် တရားမျှတမှုရှိရှိ ဝင်ရောက်ယှဉ်ပြိုင်ကြဖို့ပါ။

အခု နယ်ခြားစောင့်တပ်ဖွဲ့ကိစ္စဟာ သာမန်ကိစ္စတစ်ရပ်လို့ သဘောထားယင် မှားပါလိမ့်မယ်။ တစ်စုတစ်စည်းထဲ ရှိနေပြီး ဖြစ်တဲ့ တိုင်းရင်းသားလက်နက်ကိုင် တပ်ဖွဲ့တွေအတွင်း ယခု နအဖ ခင်းထားတဲ့ တပ်ဖွဲ့စည်းပုံအရ တပ်ရင်းတစ်ရင်း အင်အား ၃၆၂ ဦးမှာ ဗမာ့တပ်မတော်က အရာရှိတွေ၊ အရာခံဗိုလ်တွေ ၃၀ ခန့် ဝင်ရောက်နေရာယူမယ်ဆိုတော့ အနာဂတ်နောင်တစ်ချိန်မှာ တဖြေးဖြေးနဲ့ ဒီတပ်ဖွဲ့တွေဟာ တိုင်းရင်းသားတပ်ဖွဲ့တွေမဖြစ်တော့ပဲ နအဖရဲ့ ဖက်ဆစ် စစ်တပ် အလိုလို ဖြစ်သွားကြရမှာပါ။ အခုတပ်ဖွဲအမည်က Border Guard Force နယ်ခြားစောင့်တပ်ဖွဲ့။ မည်သည့် တိုင်းရင်းသားကိုမှ ကိုယ်စားမပြု၊ ယခင်က ပြည်ထောင်စုတပ်တွေမှာ ကချင်သေနတ်ကိုင်တပ်ရင်း၊ ချင်းသေနတ်ကိုင် တပ်ရင်း တွေလို နောက်ဆုံးမှာ ကချင်တိုင်းရင်းသားလည်းမပါ၊ ချင်းတိုင်းရင်းသားလည်း မပါဝင်တော့ပဲ ကချင်လည်း မဟုတ်၊ ချင်းလည်းမဟုတ် ခလရတို့ ခမရတို့ ဖြစ်သွားခဲ့ကြတာပါပဲ။

နအဖ စစ်တပ်မှာ ပြုင်ပြင်လို့မရ၊ ဘယ်လိုမှလည်း ပြောင်းလဲလုိ့မရတော့တဲ့ ရွာတွေကိုရောက်ယင် လုယက်၊ ခိုးဆိုး၊ ဓါးမြတိုက်၊ လူသတ်၊ မုဒိန်းကျင့် စတဲ့ ဥာဉ်ဆိုးတွေကို အမွေဆက်ခံသွား ရပါလိမ့်မယ်။ နဂိုလ်ကမှ မိသားစု စားလို့ မလောက်တဲ့လစာနဲ့ လူမွဲစာရင်းဝင် လိုင်စင်ရ လက်နက်ကိုင်တပ်ဖြစ်နေတော့ ဒီစရိုက်ပျက်တွေ အရိုးစွဲခဲ့တာကိုတော့ ဘယ်လိုမှလဲ ပြင်လို့မရတော့ပါ။ ပြင်ချင်ယင် အရာရှိပိုင်းတွေ ဒုဗိုလ်ကအစ အမြင့်ဆုံး ဗိုလ်ချုပ်မှူးကြီးအထိ တပ်က ထွက်ခိုင်းပြီး စလုံးရေးက စတော့မှ ဖြစ်တော့မှာပါ။

ပေးထားတဲ့ ကတိအတိုင်း ဘယ်တော့မှ မလုပ်ပေးနိုင်တဲ့ နအဖဟာ မြန်မာ့နိုင်ငံရေး မဟာဇာတ်မျောကြီးကို မနိုင်မနင်း ကပြနေယင်း သူ့ကိုယ်သူ ဘယ်လမ်းသွားနေတာကိုလည်း နားမလည် ဖြစ်နေရရှာတယ်။ သူဆွဲတဲ့ အချိန်ဇယားကို တောင်မှ သူမနိုင်မနင်း ဖြစ်နေတော့တာပါဘဲ၊ ကတိတွေပျက်တာလည်း မရှက်တတ်ပါဘူး၊ ဆိုယင် မြန်မာပြည်ကြီး စစ်မီးမှာ မကြုံဘူးခဲ့တဲ့ အကြီးစားအနိဌာရုံတွေကို အယင်ကထက် ပိုမိုပြီး ဆိုးဆိုးဝါးဝါး ဖြစ်လာဖို့က ဗေဒင်ကြည့်စရာ မလို၊ နေပြည်တော်အမိန့်နဲ့ ကိုယ့်လူမျိုးအချင်းချင်း၊ တိုင်းရင်းသားညီအစ်ကိုယ် အချင်းချင်း အသောမသတ်နိုင်တဲ့ လူမျိုးတုံးစစ်ပွဲတွေကို မည်သူမျှ ရှောင်ကွင်းလို့ ရမှာမဟုတ်သလို စစ်မီးလျှံတွေကလည်း လွယ်လွယ်နဲ့ အဆုံးသတ် နိုင်တော့မှာ မဟုတ်တော့ပါ။

နအဖ ရည်ရွယ်ထားတဲ့ ၂၀၁၀ မှာ ဖြစ်ပေါ်လာမဲ့ စစ်အစိုးရသစ်နဲ့ တိုင်းရင်းသားတပ်ဖွဲ့အချို့ ပါဝင်လာတဲ့ နယ်ခြားစောင့် တပ် လက်အောက်မှာ မြန်မာပြည်သားတွေအနေနဲ့ ဘယ်လိုအသက်ဆက်ရှင် နေထိုင်သွားကြမလဲဆိုတာ မတွေးဝံ့ တော့ပါ။

မွန်တွေကို နှိမ်နင်းဖို့ ဆိုယင် အခြားတိုင်းရင်းသားတပ်ဖွဲ့ကို အသုံးချရမှာပါ၊ ထို့အတူ ကချင်၊ ချင်း၊ ကယား၊ ကရင်၊ ဗမာ၊ ရခိုင်၊ ရှမ်းအစရှိသည်ဖြင့် တိုင်းရင်းသားအချင်းချင်းကို တိုက်ခိုက် သတ်ဖြတ်ကြဖို့၊ တိုင်းရင်းသားတွေကို အိုးမဲသုပ်ပြီး အိမ်ကြက်ချင်း အခွပ်ခိုင်းကြတော့မှာပါ။ လိုက်ခွပ်ပေးမဲ့ ကြက်တွေကိုလည်း မွေးထားပြီးပါပြီ။

ဒီတော့ တိုင်းရင်းသား ညီအစ်ကိုများကို အသိပေးလိုတာက ရှေ့မှာ ကြုံတွေ့လာရမဲ့ ဒီပြဿနာတွေကို အသေးအဖွဲ ကိစ္စတစ်ရပ်လို မျက်စိမှိတ်၊ ပါးစပ်ပိတ် မနေစေချင်ပါ၊ ပြဿနာဖြစ်လာတော့မှ ကုစားယင်လည်း အချိ်န်မှီတော့မှာ မဟုတ်ပါ။ အင်မတန် အန္တရာယ်ကြီးမားတဲ့ နအဖရဲ့ နည်းဗျူဟာတစ်ရပ်ပါ။ အားလုံးကို သတိချပ်စေလိုကြောင်း။