သန့်လင်းအောင်
ကျနော်က ရန်ကုန်တိုင်း စမ်းချောင်းမြို့နယ်မှာ နေထိုင်တဲ့ စမ်းချောင်းသားတယောက်ပါ။ နာမည်က သန့်လင်းအောင်ဖြစ်ပါတယ်။
အခု ကျနော်တို့ စမ်းချောင်းမြို့နယ်မှာ လောင်းကစားတွေဖြစ်တဲ့ ဘောလုံးပွဲလောင်းကစားမှု၊ နှစ်လုံး၊ သုံးလုံး လောင်းကစားမှု တွေ များပြားနေပါတယ်။ ဒါကြောင့် လူငယ်တွေဟာ ကျောင်းစာကို စိတ်မ၀င်စားဘဲ လောင်းကစားဝိုင်းတွေမှာသာ ပျော်မွေ့ နေကြပါတယ်။ လောင်းကစားကြောင့် ဘ၀ပျက်သွားတဲ့လူငယ်တွေ နေ့စဉ်နဲ့အမျှ များပြားလာနေပါတယ်။ မြို့နယ်ရဲတပ်ဖွဲ့နဲ့ သက်ဆိုင်ရာလူကြီးတွေက လိုင်းကြေးရတဲ့အတွက် အရေးယူမှု မလုပ်ကြပါဘူး။
ဒါ့အပြင် လောင်းကစားဒိုင်ကလည်း စမ်းချောင်းမြို့နယ်ဆိုင်ရာ တိုင်းရင်းသားစည်းလုံးညီညွတ်ရေးပါတီ ဥက္ကဋ္ဌရဲ့ မိသားစုက အကြီးအကျယ်လုပ်ဆောင်နေတာကြောင့် သက်ဆိုင်ရာက မျက်စိမှိတ်နေတာဖြစ်တယ်လို့ ကြားသိရပါတယ်။ ၂၀၁၀ ရွေးကောက်ပွဲဝင်မယ့် တိုင်းရင်းသားစည်းလုံးညီညွတ်ရေးပါတီသာ အာဏာရသွားရင်တော့ ကျနော်တို့နိုင်ငံ လောင်းကစား နိုင်ငံကြီး ဖြစ်သွားမှာ စိုးရိမ်နေမိပါတယ်။
No comments:
Post a Comment