နိုင်ငံရေး အမှုလိုက် ရှေ့နေ ကြီးများ ဖြစ်ကြ သော ဦးအောင်သိန်း နှင့် ဦးခင်မောင်ရှိန် တို့၏ ရှေ့နေ လိုက်ခွင့် လိုင်စင် များကို ယမန် နေ့တွင် အာဏာပိုင် များက ရုပ်သိမ်း လိုက် ကြောင်း ရှေ့နေ ဦးအောင်သိန်းက ပြောသည်။အဆိုပါ ရှေ့နေ လိုက်ခွင့် လိုင်စင် ရုပ်သိမ်းကြောင်း စာကို သင်္ဃန်း ကျွန်းမြို့နယ် တရား သူကြီး ဦးအောင်စိုး အပါဝင် ရဲတပ်ဖွဲ့ဝ င်များနှင့် ရပ်ကွက် အေးချမ်း သာယာရေး နှင့် ဖွံ့ဖြိုးရေး ကောင်စီ (ရယက)တာဝန် ရှိသူများက ည၈နာရီခန့် တွင် ၎င်း၏ နေအိမ်သို့ လာရောက် အကြောင်းကြား ပေးပို့ ခဲ့ခြင်း ဖြစ်သည်ဟု ဦးအောင်သိန်း က ရှင်းပြသည်။
ဦးအောင်သိန်း က“စာထဲမှာ ဘာကို ဖော်ပြ လဲဆိုတော့ တရားရုံး မထီမဲ့မြင်ပြုမှု အက် ဥပဒေ ပုဒ်မ ၃ အရ အန်ကယ် တို့ နှစ်ယောက် စ လုံးကို အလုပ်နဲ့ ထောင်ဒဏ် ၄ လ ကျခံစေဖို့ စစ်ဆေး တွေ့ရှိရ တယ်ပေါ့နော်၊ နောက်တခါ အဲဒါနဲ့ ပတ်သက်ပြီး တော့ မြန်မာ နိုင်ငံ တရားရုံး ချုပ်ရှေ့နေများ ကောင်စီကို သဘောထား တောင်းခံ ခဲ့တယ်။ တောင်းခံတဲ့ အခါမှာ တရား ရုံးချုပ် ရှေ့နေများ ကောင်စီက နေပြီး တော့ ရှေ့နေကျင့်ဝတ် သိက္ခာကို ဖောက်ဖျက်ရာ ရောက်တယ် ဆိုပြီးတော့ ပုဒ်မ ၁၀/၁ အရ ထုတ်ပယ် သင့်တယ်လို့ လာအ ကြောင်းကြားတာ” ဟု ဧရာဝတီ သို့ပြောသည်။
ယခုကဲ့သို့ ၎င်းတို့အား ရှေ့နေလိုက်ခွင့် လိုင်စင်ရုပ်သိမ်းလိုက်ခြင်းသည် တခြားသော ရှေ့နေများကိုလည်း နိုင်ငံ ရေးအမှုနှင့် မပတ်သက်ရန် နမူနာပြ ခြိမ်းခြောက်သည့် သဘောလည်း သက်ရောက်သည်ဟု ဦးအောင်သိန်းက ဆိုသည်။
“အန်ကယ်တို့က နိုင်ငံရေးအမှုတွေကိုလိုက်ပါဆောင်ရွက်တယ် နောက်ဆုံးတော့ ဒေါ်အောင်ဆန်းစုကြည်အမှုအ တွက် လိုက်ပါဆောင်ရွက်ဖို့ကြိုးစားနေတဲ့သဘောမျိုးကို သူတို့(နအဖ)မြင်တွေ့နေတယ်။ ရှေ့နေတွေကိုနိုင်ငံရေး နဲ့ မပတ်သက်စေချင်လို့သဘောထားမျိုးသူတို့မှာရှိတယ်။ ရှေ့နေတွေက ဥပဒေ နားလည်တယ် ဥပဒေ အပေါ်မှာ လည်း အခြေခံပြီးလုပ်တော့ ရှေ့နေတွေကိုယ်တိုင်က နိုင်ငံရေးလုပ်နေတယ်ဆိုတာ ကျေနပ်ပုံမပေါ်ဘူး၊ဒါကြောင့် တခြား ရှေ့နေတွေကိုလည်း လန့်ဖြန့်သွားအောင် ဒါမျိုးမလုပ်ဖို့ ဒီလိုမျိုးဆောင်ရွယ်တယ်လို့မြင်တယ်”ဟု ၎င်းက ဆက်ပြောပြသည်။
ယနေ့တွင် ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)ကလည်း ယခု လိုင်စင်အသိမ်းခံလိုက်ရသော ရှေ့နေကြီး ဦးအောင်သိန်းသည် ရှေ့နေများ လိုက်နာရမည့် ကျင့်ဝတ်သိက္ခာကို ဖောက်ဖျက်သူ မဟုတ်ကြောင်း၊ စစ်အာဏာပိုင်များက ယခုကဲ့သို့ လိုင်စင်ရုပ်သိမ်းလိုက်သည့် အပြုအမူသည် မြန်မာ့ ဒီမိုကရေစီရေး လှုပ်ရှားသူများဘက်မှ ကာကွယ်အကျိုးဆောင်ပေးနေသည့် တခြားသောရှေ့နေများကို လည်း စံနမူနာပြအနေနှင့် ဖိနှိပ်ပြသလိုက်ခြင်းပင်ဖြစ်ကြောင်း ကြေညာချက်တစောင်ကို ထုတ်ပြန်ထားသည်။
လွန်ခဲ့သည့် ၂၀၀၈ ခုနှစ် နိုဝင်ဘာလအတွင်းကလည်း ဦးအောင်သိန်းနှင့် ဦးခင်မောင်ရှိန်တို့အား ရုံးတော်ကို မထီမဲ့မြင်ပြုသည် ဟူသည့်စွပ်စွဲချက်ဖြင့် ဗဟိုတရားရုံးက အမှုဖွင့်စွဲ ချက်တင်ကာ ထောင်ဒဏ် ၄ လစီ ချမှတ်ခံခဲ့ ရသူများဖြစ်ပြီး ၂၀၀၉ ခု မတ်လဆန်းပိုင်တွင် ပြန်လည်လွတ်မြောက်လာခဲ့သည်။
ထို့အပြင် လွန်ခဲ့သည့် ၂၀၀၈ ခုနှစ် အောက်တိုဘာလအတွင်းက နိုင်ငံရေးအမှုလိုက် လူငယ်ရှေ့နေတဦးဖြစ်သည့် ကိုညီညီထွေးနှင့် ၎င်း၏ အမှုသည်များဖြစ်ကြသော လှိုင်သာယာမြို့နယ်မှ အမျိုးသား ဒီမိုကရေစီ အဖွဲ့ချုပ် အဖွဲ့ ဝင်များဖြစ်ကြသည့် ကိုအောင်မင်း၊ ကိုရန်နိုင်ထွန်းနှင့်ကိုဝေလွင်မျိုးတို့ကို မြောက်ပိုင်းခရိုင်တရားရုံးက တရား စီရင်ရေးကို အနှောင့်အယှက် ပေးသည်ဟု စွဲချက်တင်၍ ထောင်ဒဏ် ၆ လစီ ချမှတ်ခြင်း ခံခဲ့ရသည်။
No comments:
Post a Comment