Sunday, August 29, 2010

ရာထူးမှနားရသည့် ဗိုလ်ချုပ်ကြီးများ နေအိမ်မှ ဖယ်ရှားခံရ

ရန်ပိုင်

ဗိုလ်ချုပ်ကြီး နှစ်ဦးနှင့် ဒုတိယ ဗိုလ်ချုပ်ကြီးများကို ရုတ်တရက် ရာထူးမှ အနားယူခိုင်းခဲ့ ပြီးနောက် နေပြည်တော်ရှိ ၎င်းတို့နေထိုင်သည့် အစိုးရပိုင် နေအိမ်များမှလည်း ချက်ချင်း ဖယ်ရှားခိုင်း လိုက်ကြောင်း သတင်းများ ထွက်ပေါ်နေသည်။

ဗိုလ်ချုပ်ကြီး သူရရွှေမန်း နှင့် ဗိုလ်ချုပ်ကြီး သီဟသူရ တင်အောင်မြင့်ဦး အပါဝင် ရာထူးမှ အငြိမ်းစားပေးခြင်း ခံရသည့် ဒုတိယ ဗိုလ်ချုပ်ကြီးများသည် နေပြည်တော်ရှိ နေအိမ်များမှ ချက်ချင်းဆိုသကဲ့သို့ ဖယ်ရှားပေးရန် အကြောင်းကြားခဲ့ပြီး အစိုးရပိုင် ကားများ ကိုလည်း ပြန်အပ်ခိုင်းခဲ့ကြောင်း စစ်အစိုးရ အသိုင်းအ၀န်းနှင့် နီးစပ်သည့် စီးပွားရေး သမားတဦးက ဧရာဝတီသို့ ပြောသည်။

“ဗိုလ်ချုပ်ကြီး တင်အောင်မြင့်ဦး ဆိုရင် တရက်လောက် နေမကောင်း ဖြစ်သွားတယ်၊ ဗိုလ်ချုပ်ကတော်ကြီးတွေလည်း သွေးတိုး တဲ့ လူ တိုး ငိုတဲ့ လူငိုပဲ”ဟု ၎င်းက ဆိုသည်။

အစိုးရပိုင် နေအိမ်နှင့် ကားများသာမက စစ်တပ်အမည်ပေါက် မိုဘိုင်းဖုန်းများကိုလည်း ပြန်လည်ပေးအပ်ခိုင်းကြောင်း အဆိုပါစီးပွား ရေးသမားကပြောသည်။

နိုင်ငံအနှံ့ ခရီးထွက်ပြီး တာဝန်ထမ်းဆောင်နေသည့် ဒုတိယ ဗိုလ်ချုပ်ကြီးများကို အရေးပေါ် အစည်းအဝေး ဆိုကာ အမြန်လာရန် အမိန့်ပေးပြီး အစည်းအဝေးတွင် အားလုံးကို ချက်ချင်း အနားယူခိုင်းလိုက်ခြင်းဖြစ်သည်ဟု ၎င်းက ဆက်လက်ပြောသည်။

တရားဝင် တပ်တွင်း အပြောင်းအရွှေ့ကို ယမန်နေ့က ပြုလုပ်ခဲ့ခြင်းဖြစ်ပြီး စစ်ရေးချုပ် ဗိုလ်ချုပ် ခင်ဇော်၊ စစ်ထောက်ချုပ် ဗိုလ်ချုပ် ဝေလွင်၊ စစ်ရာထူးခန့်ချုပ် ဗိုလ်ချုပ် ၀င်းမြင့်၊ စစ်ဖက်ဆိုင်ရာ လုံခြုံရေး အရာရှိချုပ် ဗိုလ်ချုပ် ကျော်ဆွေ၊ စစ်လက်နက် ပစ္စည်းဝယ် ယူရေး အရာရှိချုပ် ဗိုလ်ချုပ် သိန်းဌေး၊ စစ်ဆင်ရေး အထူးအဖွဲ့မှူး(ကစထ)များ အဖြစ် ဗိုလ်ချုပ် မြင့်စိုး၊ ဗိုလ်ချုပ် အောင်သန်းထွဋ်၊ ဗိုလ်ချုပ် လှမင်း၊ ဗိုလ်ချုပ် သက်နိုင်ဝင်း၊ ဗိုလ်ချုပ် တင်ငွေ တို့ကို ခန့်အပ်လိုက်ကြောင်း စစ်တပ်အသိုင်းအ၀ိုင်းက ပြောသည်။

တိုင်းမှူးများနှင့် တပ်မမှူးရာထူးများကိုလည်း ဆက်လက် အပြောင်းအလဲပြုလုပ်ခဲ့ပြီး လာမည့်တနင်္လာနေ့တွင် မိမိတာဝန်ကျရာ စစ် ဒေသများသို့ အရောက်သွားရမည်ဟု ညွန်ကြားထားကြောင်း သိရသည်။

အဆိုပါ အပြောင်းအရွှေ့များကို ဗိုလ်ချုပ်မှူးကြီး တဦးတည်းက လုပ်ဆောင်နေခြင်းဖြစ်ကြောင်း၊ ဒုတိယ ဗိုလ်ချုပ်မှူးကြီး မောင်အေး သည်ပင်လျှင် မသိရှိကြောင်း၊ ကာကွယ်ရေး ဦးစီးချုပ်အဖြစ် ခန့်အပ်ခံရသည်ဟု သတင်းထွက်နေသည့် ဒုတိယ ဗိုလ်ချုပ်ကြီး သူရ မြင့်အောင်မှာ ဗိုလ်ချုပ်မှူးကြီး ၏ လက်ရင်းတပည့်တဦးဖြစ်ပြီး မဟာဗျူဟာ ကျကျ တွေးခေါ်စဉ်းစားတတ်၍ ရက်စက်တတ်သူတဦး ဟု နာမည်ကြီးကြောင်း စစ်တပ်အသိုင်းအ၀န်းနှင့် နီးစပ်သူတဦးကလည်း ဆိုသည်။

“ဒု ဗိုလ်ချုပ်ကြီး သူရမြင့်အောင်က တပ်ထဲမှာတော့ ဦးသန်းရွှေ အငယ်စားလေးလို့ နာမည်ကြီးတယ်၊ သီဟ သူရ တင်အောင်မြင့်ဦး လိုတော့ လူမုန်း မများဘူး၊ စရဖ ချုပ် ဖြစ်တဲ့ ဗိုလ်ချုပ်ကျော်ဆွေ ကတော့ လူရိုး၊ ဒီရာထူးလောက်ဆို တော်ပြီဆိုတဲ့ လူမျိုး”ဟု ၎င်း က ဆိုသည်။

ဒုတိယ ဗိုလ်ချုပ်ကြီး ကိုကိုမှာ ဆက်ဆံရေး ပြေပြစ်သူတယောက်ဖြစ်ပြီး မိမိ၏ အထက်အရာရှိများနှင့် အောက်ခြေ တပ်သားများ အကြား အဆင်ပြေပြေဆက်ဆံတတ်သူဖြစ်ကြောင်း၊ စီးပွားရေး အမြင်လည်း ရှိကြောင်း ၎င်းကဆက်လက်ပြောသည်။

ယခုအခါ ရန်ကုန်စီးပွားရေး အသိုင်းအ၀ိုင်းအတွင်း ကုန်သွယ်မှုဆိုင်ရာ မူဝါဒကောင်စီတွင် ဥက္ကဋ္ဌ မည်သူဖြစ်လာမည်ကို စိတ်ဝင် စား နေကြောင်း၊ ထိုနေရာတွင် ယခင်က ဗိုလ်ချုပ်ကြီး သီဟ သူရ တင်အောင်မြင့်ဦး တာဝန်ယူ လုပ်ဆောင်နေခြင်းဖြစ်ကြောင်း ရန်ကုန်မြို့ရှိ ပြည်ပပို့ကုန် လုပ်ကိုင်နေသည့် လုပ်ငန်းရှင်တဦးက ပြောသည်။

“သွင်းကုန် ပို့ကုန်တွေ ကားပါမစ်တွေကို ပေးတဲ့သူပေါ့၊ သူဌေးတွေ ဖားပြီး အပိုင်ပေါင်းရတဲ့ ရာထူးနေရာပေါ့”ဟု ၎င်းက ပြော သည်။

မည်သူပင်ဖြစ်စေကာမူ စီးပွားရေးလုပ်ငန်းရှင်ကြီးများ အနေဖြင့် ရာထူးတာဝန်အသစ်များ တာဝန်ယူမည့် ဗိုလ်ချုပ် များနှင့် ယခင် ကတည်းက စီးပွားရေးအရ အဆက်အဆံရှိထားသည့် အတွက် အခက်အခဲဖြစ်လိမ့်မည်မထင်ကြောင်း အဆိုပါ လုပ်ငန်းရှင်က ဆို သည်။

No comments: