Kaowao ကောင်းဝါ
မြန်မာစစ်အစိုးရမှ နိုဝင်ဘာလ(၇)ရက်နေ့တွင် အထွေထွေရွေးကောက်ပွဲကို ကျင်းပပေးမည်ဟု ကြေညာ ခဲ့သလို တဖက်တွင်လည်း နိုင်ငံရေးပါတီများအနေနှင့် ပါတီစည်းရုံးရေးလုပ်ငန်းများ လုပ်ဆောင်နေခြင်း များလည်း ရှိပါသည်။ မွန်ပြည်နယ်အစွန်ဆုံး ရေးမြို့နယ်ဘက်တွင် နိုင်ငံရေးပါတီ(၃)ခုမှ အပြိုင်အဆိုင်မဲ ဆွယ်စည်းရုံးမှု ပြုလုပ်နေသည်ဟု သိရပါသည်။
အဆိုပါနိုင်ငံရေးပါတီများလှုပ်ရှားမှုနှင့်ပက်သက်၍ ရေးမြို့နယ်နေ နိုင်ငံရေးစိတ်ဝင်စားသူတစ်ဦးဖြစ်သော နိုင်သုဝဏ္ဏကို ကောင်းဝါသတင်းဌာနမှ အောက်ပါအတိုင်း ဆက်သွယ် မေးမြန်းခဲ့ပါသည်။
မေး။ ။ အခု ရေးမြို့နယ်နဲ့ တခြားဆက်စပ်ရာမြို့နယ်တွေမှာ တိုင်းရင်းသားစည်းလုံးညီညွတ်ရေးပါတီရဲ့ လှုပ်ရှား မှုအခြေအနေ ဘယ်လိုရှိသလဲ၊ သူတို့ရဲ့ မဲဆွယ်စည်းရုံးရေးရဲ့ပုံစံကရော ဘယ်လိုရှိပါသလဲ။
ဖြေ။ ။ လောလောဆယ်တော့ သူတို့ကအထိုက်အလျောက်ပဲ ဥပမာ ရွာကြီးတွေမှာဆိုလို့ရှိရင် သူတို့စည်းရုံးရေး ဆင်းထားပြီးသား၊ အားလုံးလိုလိုပဲသူတို့ကဒီရွာကို အနည်းဆုံး ဥပမာ (၅)ယောက်ကို စည်းရုံးနိုင်တယ်၊ ကျန်တဲ့ဟာကို အဲဒီ(၅)ယောက်က ဆက်လုပ်သွားမယ်။
သူတို့စည်းရုံးရေးဆင်းတာကတော့ ထွေထွေထူးထူးသိပ်ပြီးဘာမှမပြောပါဘူး၊ သူတို့အနေနဲ့ ကတော့ ပြည်သူ လူထုကို မဲဆွယ်စည်းရုံးတဲ့နေရာမှာ တချို့အချက်အလက်တွေကတော့ ပြောသွားတာတော့ ရှိတာပေါ့၊ ဥပမာ ပါတီဝင် ကဒ်တွေထုတ်ပေးတယ်၊ ဒီကဒ်ကိုသုံးခြင်းအားဖြင့် ကျေးရွာကကောက်ခံတဲ့ ဝင်ငွေတွေကိုလုံးဝမပေးရဘူး။ ပေးစရာ မလိုဘူးဆိုတာမျိုးတွေကိုဟောပြောထားတယ်။
တချို့မွန်လူမျိုးတွေကိုလွှတ်ပြီး သူတို့ကဘဲမွန်ပါတီကို ကိုယ်စားပြု သယောင် လုပ်တာတွေတော့ရှိတယ်။ အဲဒါမျိုးကြုံတွေ့တာတွေရှိတယ်။
မေး။ ။ သူတို့ရဲ့အပေါ်မှာရော ပြည်သူတွေရဲ့ ယုံကြည်မှုတွေ ဘယ်လောက်ရှိသလဲ။
ဖြေ။ ။ အဲဒီအပေါ်မှာတော့ ပြည်သူတွေရဲ့ယုံကြည်မှုကတော့ အတိုင်းအတာတစ်ခုလောက်ပဲရှိတယ်။ ပြည့် ပြည့်ဝဝယုံကြည်တာတော့မရှိဘူးပေါ့၊ ဘာဖြစ်လို့လဲဆိုတော့ နေရာဒေသကအခြေအနေခြင်း မတူညီကြဘူးလေ၊ သူတို့ လွန်ဆန်နိုင်တာ၊ မလွန်ဆန်နိုင်တာတွေ ဆိုတဲ့အချက်အလက်တွေရှိနေသေးတဲ့ အခါကျတော့ အပြည့်အဝတော့ သူတို့ ယုံကြည်မှာမဟုတ်ပါဘူး။
မေး။ ။ ဟုတ်ကဲ့ ပြည်ခိုင်ဖြိုးအသင်းအနေနဲ့ရော ဘယ်လိုစည်းရုံးမှုရှိနေပါသလဲ။
ဖြေ။ ။ ပြည်ခိုင်ဖြိုးအသင်းအနေနဲ့ကတော့ လောလောဆယ်မှာတော့ ဟိုတလောက ဗိုလ်ချုပ်အုန်းမြင့် ဆင်း လာပြီးနောက်ပိုင်း အခုသိပ်ပြီးတော့ လှုပ်ရှားမှုမရှိဘူးပေါ့၊ သူတို့အနေနဲ့ကတော့ သူတုို့စည်းရုံးရေး ဆင်းတယ် ဆိုတာ ဥပမာကျေးရွာမှာသူတို့ခန့်ထားတဲ့ စည်းရုံးရေးမှူးအပါအဝင်(၅)ဦးပေါ့၊ အဲဒီ(၅)ဦးကိုပဲ အဓိကထားပြီးတော့ တစ်အိမ် တက်တစ်အိမ်ဆင်းဖြစ်စေ၊ ဒါမှမဟုတ် နီးစပ်ရာဖြစ်စေ၊ အဲဒီလို ကိုယ်နိုင်ရင်နိုင်သလိုပေါ့ စည်းရုံးထားဖို့ပဲ ညွန်ကြား တယ်၊ ကျန်တာတွေကတော့ ဒီထက်ပိုပြီးမလုပ်ဖို့ပဲ သူတို့ညွန်ကြားတယ်။
မေး။ ။ အခု ဒီရေးနယ်ဘက်မှာ လူငယ်တွေအနေနဲ့ပေါ့ ဒီရွေးကောက်ပွဲကိုစိတ်ဝင်စားမှုရှိပါသလား။
ဖြေ။ ။ ရေးမြို့နယ်ဘက်မှာကတော့ ရွေးကောက်ပွဲအပေါ်ကိုစိတ်ဝင်စားမှုတော်တော်လေးအားနည်းတယ် လို့ကျွန်တော်ပြောလို့ရတယ်။ ဘာဖြစ်လို့လဲဆိုတော့လူငယ်တော်တော်များများက သူတို့စိတ်ထဲမှာ ဘယ်လို ယူဆထား လဲဆိုတော့ ဒီရွေးကောက်ပွဲဟာပေါ့အစိုးရကတစ်ဖက်တတ်နိုင်တဲ့ ရွေးကောက်ပွဲပဲ ဖြစ်တယ်၊ ဘယ်လိုပဲ လုပ်လုပ်သူတို့ပဲ နိုင်ရမှာပဲ၊ ဘယ်လိုပဲ ကိုယ့်အနေနဲ့ ကြိုးစားကြိုးစား ဒီရွေးကောက်ပွဲဟာ တဖက်သတ်ဖြစ်မယ်လို့ သူတို့ထင်မြင် ယူဆနေကြတယ်၊ အဲဒီအတွက်သူတို့က ရွေးကောက်ပွဲအပေါ်သိပ်ပြီးတော့ အာရုံမထားကြတော့ဘူး၊ ဘယ်လို ပြောကြလဲဆိုလို့ရှိရင် အချို့လူတွေကငါတို့လုပ်ရမှာကငါတို့အလုပ်ပဲ၊ ငါတို့တစ်နေ့လုပ်မှ ငါတို့ထမင်းစားရမယ်။ ဆိုတော့ ဒီရွေးကောက်ပွဲအပေါ် အာရုံစိုက်နေရင် ငါတို့အတွက်အချိန်ကုန်တယ်ဆိုတဲ့ပုံစံမျိုးလေးတွေ ပြောနေကြတာ ကြားရတယ် ခင်ဗျာ။
မေး။ ။ ပြီးခဲ့တဲ့ (၁၉၉ဝ) ရွေးကောက်ပွဲနဲ့ အခု (၂ဝ၁ဝ) ရွေးကောက်ပွဲဟာ ဘာကွာခြားလဲခင်ဗျား။
ဖြေ။ ။ (၁၉၉ဝ) ရွေးကောက်ပွဲနဲ့  ဒီ(၂ဝ၁ဝ) ရွေးကောက်ပွဲကြတော့ နည်းနည်းကွာခြားတာရှိတယ်ခင်ဗျာ၊ (၂ဝ၁ဝ) ရွေးကောက်ပွဲမှာကြတော့ ပြည်သူတွေတအားစိတ်ဝင်စားမှု သိပ်ပြီးတော့မရှိဘူးလို့ ကျွန်တော် မြင်တယ်ခင်ဗျ (၁၉၉ဝ) ရွေးကောက်ပွဲတုန်းကလူတွေ တော်တော်လေးထထကြွကြွနဲ့ နှိုးနှိုးကြားကြား ရှိကြတယ်။ လူတွေအားလုံး လိုလိုကလည်း တခဲနက်အားပေးကြတာမျိုးတွေရှိတယ်၊ အခုခလဲ့ကြတော့ သိပ်ပြီးအားပေး တာမျိုးမရှိဘူး၊ သာမန်အခြေအနေ လောက်ပဲ။ ဥပမာ ရေလိုက်ငါးလိုက်နေသွားမယ် ဆိုတဲ့ပုံစံမျိုးလေးတွေပဲ များတယ်ခင်ဗျာ။
မေး။ ။ ဟုတ်ကဲ့။ အဲဒီလိုစည်းရုံးရေးဆင်းတဲ့အထဲမှာ ဘယ်ပါတီကိုထူးထူးခြားခြား ပြည်သူတွေအားပေးမှုရှိပါသလဲ။
ဖြေ။ ။ ဒီထဲမှာထူးခြားမှုရှိတာက တိုင်းရင်းသားစည်းလုံးညီညွတ်ရေးပါတီကတော့ သိပ်ပြီးတော့ သိပ်ထူးခြားမှု မရှိဘူး၊ ထူးခြားမှုရှိတာက မွန်ဒေသလုံးဆိုင်ရာဒီမိုကရေစီပါတီ၊ အဲဒီမွန်ဒေသလုံးဆိုင်ရာ ဒီမိုကရေစီပါတီက ဒီမွန်ပြည်နယ်ကို ကိုယ်စားပြုပြီးတော့ ရွေးကောက်ပွဲထဲဝင်တာ ကျွန်တော်အနေနဲ့ မွန်ပြည်နယ်အတွက် ထူးခြားမှု တစ်ခုလို့ကျွန်တော် ထင်တယ်ခင်ဗျာ။
မေး။ ။ ဟုတ်ကဲ့ မွန်ဒေသလုံးဆိုင်ရာဒီမိုကရေစီပါတီ၊ ရဲ့ စည်းရုံးရေးအပေါ်မှာပေါ့ ဘယ်လိုမြင်ပါ သလဲခင်ဗျ။
ဖြေ။ ။ သူတို့ရဲ့စည်းရုံးရေးကတော့ သာမာန်ပါပဲ၊ မွန်ပြည်သူတွေအပေါ်ကို သူတို့ကလူမျိုးရေးတစ်ခု အနေနဲ့ပဲ စည်းရုံးတယ်၊ ကျန်တဲ့အပိုင်းမှာ ဘာလုပ်ပေးမယ်၊ ညာလုပ်ပေးမယ်ဆိုပြီး စည်းရုံးတာမရှိဘူးခင်ဗျ၊ ရိုးရိုးပါပဲ၊ သူတို့ စည်းရုံးသွားတဲ့အပိုင်းအပေါ် မူတည်ပြီးပြောရမယ်ဆိုရင် ရည်ရွယ်ချက်တစ်ခုရှိတယ်၊ ဘာဖြစ်လို့လဲဆိုတော့ သူတို့ ဒီမွန်လူမျိုးဆိုတာ ကျွန်တော်တို့တစ်ကြိမ်တစ်ခါမှ ဒီရွေးကောက်ပွဲထဲကို ပါဝင်ခဲ့ခြင်းမရှိဘူးပေါ့၊ အခုအချိန်မှာ ရွေးကောက်ပွဲထဲကိုပါဝင်ခဲ့ခြင်းအားဖြင့် မွန်လူမျိုးတွေအနေနဲ့ ဒီတိုင်းပြည်မှာရှိနေတဲ့ လူမျိုးတစ်မျိုးဆိုတာကိုပြ နိုင်တယ်၊ အကယ်၍ရွေးကောက်ပွဲမှာ နိုင်ခဲ့သည်ရှိရင်လည်း ကိုယ့်လူမျိုးအတွက်အထောက်အကူပြုမယ့် ပြောရေးဆိုခွင့် တစ်နေရာ ရနိုင်တယ်၊ တကယ်လို့ ရှုံးခဲ့တယ်ဆိုရင်လည်းအတွေ့အကြုံရတယ် ဒီလိုမျိုးပြောဆို စည်းရုံးသွားတာရှိတာပေါ့။
မေး။ ။ လက်ရှိအခြေအနေအရပေါ့နော် အဲဒီရေးမြို့နယ်နဲ့ဆက်စပ်ရာမြို့နယ်မှာ ဘယ်ပါတီကအားသာ ချက်ရှိ နေလဲခင်ဗျ။
ဖြေ။ ။ လက်ရှိအခြေအနေမှာတော့ ကျွန်တော်တို့ရေးမြို့နယ်နဲ့ဆက်စပ်ရာမြို့နယ်မှာဆိုလို့ရှိရင် မြို့ပေါ်မှာ တော့ များသောအားဖြင့် ပြည်ခိုင်ဖြိုးပါတီကနည်းနည်းအားသာတယ်ဆိုပေမယ့် နယ်ဘက်မှာ ပြန်ပြီး လေ့လာ ကြည့်လိုက် လို့ရှိရင် မွန်ဒေသလုံးဆိုင်ရာဒီမိုကရေစီပါတီက အားသာချက်တွေ အများကြီး ရှိတယ်ခင်ဗျ၊ သူတို့ရဲ့စည်းရုံးရေးက လူမျိုးရေးနဲ့မွန်ပြည်သူလူထုရဲ့အခွင့်အရေးအပေါ်မူတည်ပြီး စည်းရုံးထားတယ်ဆိုတဲ့အချက်လဲပါတယ်၊ နောက်ပြီး သူတို့ရဲ့ ရှင်းပြတဲ့အချက်အလက်လေးတွေကလည်း မွန်ပြည်သူတစ်ရပ်လုံးက လက်ခံနိုင်တဲ့ အချက်အလက်လေး တွေဖြစ်နေ တဲ့အခါကျတော့ သူတို့အပေါ်နဲနဲ အာရုံစိုက်တာလေးတွေ များတယ်လို့ ကျွန်တော် မြင်တယ်ခင်ဗျ။
No comments:
Post a Comment