ယနေ့ ကျရောက်သည့် ၂၀၀၉ခုနှစ် ကလေး ကူးသန်း ရောင်းဝယ်မှု ဆန့်ကျင်ရေး နေ့ကို ထိုင်းနိုင်ငံ မဲဆောက်မြို့ ဆာသူးလေ ကျောင်း၌ နံနက် ၉နာရီ အချိန် ခန့်တွင် ကျင်းပပြု လုပ်ခဲ့သည်။အဆိုပါ အခမ်း အနားကို ထိုင်းနိုင်ငံ မဲဆောက်မြို့ရှိ မြန်မာ စာသင်ကျောင်း ပေါင်း ၄၀ ကျော်မှ ဆရာ၊ ဆရာမ များနှင့် ကျောင်းသူ၊ ကျောင်းသားများ အပါအ၀င် ပရိဿတ်ပေါင်း ၂၀၀ ခန့် တက်ရောက် ခဲ့သည်။
မြန်မာ့ ရွှေ့ပြောင်း အလုပ်သမား ကလေးငယ် များကော်မတီ ဥက္ကဌ ဆရာမ နော်ဖောရေက “ကျမတို့ဟာ ကုန်ကူး ခံနေရတဲ့ ကလေးတွေ အတွက် ကူညီ ဆောင်ရွက် ပေးဖို့ အားလုံးမှာ တာဝန် ရှိပါတယ်။ ဒါကြောင့် တညီတ ညွှတ်တည်း ပါဝင်ကြဖို့ တိုက်တွန်း ပါတယ်”ဟု အခမ်း အနားတွင် ပြောကြား ခဲ့သည်။
အခမ်းအနားကို တက်ရောက်သည့် ၁၄နှစ်အရွယ် ကျောင်းသားလေးတဦးက “ကျနော်တို့အတွက် ဒီလိုမျိုး ကလေးကူးသန်းရောင်းဝယ်မှုဆန့်ကျင်ရေးနေ့ကို ကျင်းပပေးတဲ့ ဆရာသမားတွေကို အထူးကျေးဇူးတင်ပါတယ်။ ဘာဖြစ်လို့လဲဆိုတော့ ကျနော်တို့ နိုင်ငံမှာဆိုရင် ဒီလိုမျိုး ကလေးတွေကို အလွဲသုံးစားမှုတွေ အကျယ်တဝေ့ ဖြစ်ပွားနေလို့ပါ။ အထူးသဖြင့် မြန်မာပြည်တွင်းမှာ ကလေးတွေကို စစ်သားအဖြစ် အတင်းအဓမ္မ ခိုင်းစေခံရတာ တွေကြည့်ရင် သိနိုင်ပါတယ်”ဟု ပြောသည်။
ကလေးများသည် ကလေးကူးသန်းရောင်းဝယ်မှု ပပျောက်ရေးနေ့ အခမ်းအနားသို့ တက်ရောက်လာသည့် ပရိ ဿတ်များအား တေးသီချင်း၊ အကနှင့် ပြဇာတ် စသည့်တို့ ဖျော်ဖြေမှုများလည်း တင်ဆက်ခဲ့ကြသည်။
ကလေးကူးသန်းရောင်းဝယ်မှုကို ရာဇ၀တ်မှုအဖြစ် သတ်မှတ်နိုင်ရန်အတွက် အီတလီနိုင်ငံ ပါရာဂွင်မြို့၌ ၂၀၀၀ ခုနှစ်တွင် ညီလာခံတခု ကျင်းပပြုလုပ်ခဲ့ပြီး ကမ္ဘာတ၀ှမ်းရှိနိုင်ငံများ၏ဆန္ဒအရ သဘောတူညီမှုစာချုပ်တခု အ တည် ပြုနိုင်ခဲ့သည်။
ယနေ့ကျရောက်သည့် ၂၀၀၉ခုနှစ်ကလေးကူးသန်းရောင်ဝယ်မှု ပပျောက်ရေးနေ့ကို ထိုင်းနိုင်ငံမဲဆောက်မြို့တွင် ဤသို့ပြုလုပ်ကျင်းပခဲ့သည်။
ထိုရက်ကို အကြောင်းပြု၍ ဒီဇင်ဘာလ ၁၂ရက်နေ့သည် ကလေးကူးသန်းရောင်းဝယ်မှုဆန့်ကျင်ရေးနေ့အဖြစ် သတ်မှတ်ခဲ့ရခြင်းဖြစ်သည်။
အရှေ့တောင်အာရှနိုင်ငံများဖြစ်သည့် ထိုင်း၊ ကမ္ဘောဒီးယား၊ လာအို၊ ဗီယက်နမ်၊ အင်ဒိုနီးရှား၊ ဖိလစ်ပိုင်၊ စင်ကပူ နိုင်ငံတို့သည် ကလေးကူးသန်းရောင်းဝယ်မှုဆန့်ကျင်ရေးနေ့ကို ယနေ့တွင် နိုင်ငံသီးသီးကျင်းပကြကြောင်း သိရ သည်။
No comments:
Post a Comment