မင်းကိုနိုင် ကျန်းမာရေး မကောင်း

ဧရာဝတီ Monday, October 18, 2010

ထောင်ဒဏ် ၆၅ ချမှတ်ခံထားရသော ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်သည် ယနေ့ ကျရောက်သည့် ၄၈ နှစ် မြောက် မွေးနေ့ကို ရှမ်းပြည်နယ် ကျိုင်းတုံထောင်၌ ကျန်းမာရေးချို့တဲ့စွာဖြင့် ဖြတ်သန်းနေရကြောင်း မိသားစုဝင်များက ပြောသည်။

“ရာသီဥတု အေးတော့ လက်တွေ ခြေထောက်တွေ ကိုက်တယ်၊ ကျီးပေါင်း အတက်ရှိတယ်၊ ခြေထောက် အတက်ထွက်တယ်၊ ခြေထောက်က နာတယ်၊ အတက်ကျီးပေါင်းကတော့ တော်တော်ဆိုးတယ်၊ ဆေးတွေလည်း ပို့နေရတယ်၊ အကိုက်အခဲ ပျောက် ဆေးတွေလည်း သောက်နေရတယ်”ဟု ကိုမင်းကိုနိုင်၏ အစ်မဖြစ်သူ ဒေါ်ကြည်ကြည်ညွန့်က ဧရာဝတီသို့ ပြောသည်။

ကျန်းမာရေး အခြေအနေနှင့် ပတ်သက်၍ စိုးရိမ်ရသည့် အခြေအနေ မရှိသော်လည်း အတက် ကျီးပေါင်း ဝေဒနာ ခံစားနေရ သည့်အတွက် လေ့ကျင့်ခန်းများလုပ်ရပြီး ဆေးလိမ်းနေရကြောင်း ၎င်းက ဆက်ပြောသည်။

ကိုမင်းကိုနိုင်သည် ၂၀၀၇ ခုနှစ် လောင်စာဆီဈေးနှုန်း ကျဆင်းရေး လမ်းလျှောက် ဆန္ဒပြရာတွင် ဦးဆောင်ခဲ့မှုဖြင့် ထောင် ဒဏ် ၆၅ နှစ်ချမှတ်ခံထားရသူ ဖြစ်သည်။

၁၉၆၂ ခုနှစ် အောက်တိုဘာ ၁၈ ရက်နေ့တွင် ကိုမင်းကိုနိုင်ကို မွေးဖွားခဲ့သည်။ ဦးသက်ညွန့်နှင့် ဒေါ်လှကြည်တို့၏ တတိယ မြောက် သားဖြစ်သည်။ ငယ်ရွယ်စဉ် အချိန်ကတည်းက နိုင်ငံရေးကို စိတ်ဝင်စားခဲ့ပြီး ရန်ကုန် တက္ကသိုလ်တွင် သတ္တဗေဒ ပညာရပ်ဖြင့် ပညာဆည်းပူးခဲ့ကြောင်း သိရသည်။

ယနေ့ ကျရောက်သော ကိုမင်းကိုနိုင်၏ ၄၈ နှစ်ပြည့်မွေးနေ့ အထိမ်းအမှတ်အနေဖြင့် မိသားစုဝင်များက နေအိမ်တွင် သံဃာ တော်များအား ဆွမ်းကပ်ကြောင်း၊ ကျိုင်းတုံ ထောင်ရှိ ကိုမင်းကိုနိုင်ကို အောက်တိုဘာလ ၁၁ ရက်နေ့ က နောက်ဆုံး ထောင် ၀င်စာ သွားရောက် တွေ့ဆုံခဲ့ကြောင်း ဒေါ်ကြည်ကြည်ညွန့်က ပြောသည်။

ထိုင်းနိုင်ငံ အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း(AAPP)၏ ထုတ်ပြန်ထားသည့် စာရင်းအရ အကျဉ်းထောင်များအတွင်း ကျန်းမာရေး ဆိုးရွားစွာ ခံစားနေရသူ ၁၂၈ ဦးရှိကြောင်း၊ မြန်မာနိုင်ငံ တ၀န်းရှိ အကျဉ်းထောင် များ တွင် နိုင်ငံရေးအကျဉ်းသား ၂၁၈၃ ဦး ခန့်ရှိကြောင်း သိရှိရသည်။

ယနေ့ ညနေပိုင်းတွင် ထိုင်း - မြန်မာနယ်စပ် မဲဆောက်မြို့၌ AAPP နှင့် ဗမာနိုင်ငံလုံးဆိုင်ရာ ကျောင်းသား သမဂ္ဂများ အဖွဲ့ ချုပ်(ဗကသ)တို့ကလည်း ကိုမင်းကိုနိုင်၏ မွေးနေ့ပွဲကို ပြုလုပ်သွားမည်ဖြစ်ကြောင်း ဗကသ နိုင်ငံခြားရေးရာ ကော်မတီမှ တာဝန်ခံ ကိုမင်းနိုင်က ပြောသည်။

ယမန်နှစ် မွေးနေ့ကလည်း ကိုမင်းကိုနိုင် ကိုယ်တိုင်ရေးသားသည့်“နောက်ကြည့်မှန်”အမည်ရှိ ဝတ္ထုစာအုပ်ကို မွေးနေ့ အထိမ်း အမှတ်အဖြစ် AAPPက ထုတ်ဝေခဲ့သည်။ ယင်းစာအုပ်သည် ၁၉၈၈ အရေးတော်ပုံ သမိုင်းကို နောက်ခံထားသော အချစ်ဝတ္ထု စာအုပ်ဖြစ်သည်။

၁၉၈၈ ခုနှစ် သြဂုတ်လ ၂၈ ရက်နေ့တွင် ရန်ကုန် တက္ကသိုလ်၌ ကျင်းပသော ကျောင်းသားညီလာခံ၏ အစည်းအဝေး ဆုံးဖြတ် ချက်အရ ကိုမင်းကိုနိုင်ကို ဗကသ ဥက္ကဋ္ဌတာဝန် ပေးအပ်ခဲ့ပြီးနောက် ၁၉၈၉ ခုနှစ်တွင် ဖမ်းဆီးထိန်း သိမ်းခံရကာ ၂၀၀၄ ခုနှစ် တွင် ပြန်လည် လွတ်မြောက်ခဲ့သည်။

ထိုသို့ လွတ်မြောက်ခဲ့ပြီး ကျောင်းသားများကို ပြန်လည်စုစည်းကာ ၈၈ မျိုးဆက် ကျောင်းသားများအဖွဲ့ကို ဦးဆောင် ဖွဲ့စည်း ခဲ့သည်။ နိုင်ငံရေးလှုပ်ရှားမှုများကြောင့် ကိုမင်းကိုနိုင်အား စစ်အစိုးရက အကြိမ်ကြိမ် ဖမ်းဆီးထိန်းသိမ်းခဲ့သည်။

ကိုမင်းကိုနိုင်သည် နိုင်ငံရေး လှုပ်ရှားမှုအပြင် ပန်းချီ၊ ဂီတ၊ စာပေ စသည့် အနုပညာလိုက်စားသူ တဦးလည်း ဖြစ်သည်။