ဒီဇင်ဘာ ၁၄ ရက် ထိုင်း နိုင်ငံ ဘန်ကောက်မြို့UNODC ၏ သတင်းစာ ရှင်းလင်းပွဲမှ ‘မြန်မာ နိုင်ငံ ဘိန်းထွက်နှုန်း ၂ ဆတိုး’ ကြောင်း ထုတ်ပြန် ပြောဆိုရာ သျှမ်းပြည် မူးယစ် စောင့်ကြည့် လေ့လာရေး အဖွဲ့က အဆိုပါဘိန်း ထွက်ဒေ သသည် နအဖ ထိန်းချုပ် နယ်မြေဖြစ် သည်ဟု ပြောဆို လိုက်ပါသည်။“၀ ကိုယ်ပိုင် အုပ်ချုပ်ခွင့်ရ ဒေသ တိုင်းထဲထည့် ထားတဲ့ သံလွင် အရှေ့ခြမ်း မက်မန်းမြို့နယ် ဆိုရင် လောလော ဆယ်မှာတော့ စစ်အစိုး ရထိန်းချုပ် နယ်မြေဘဲ။ အဲဒီဒေသ တွေမှာ အထွက် များတာ နအဖက စိုက်ခွင့်ပြု ထားတာကိုး။ မိုင်းဆတ်၊ မိုင်းတုံမြို့ နယ်ဘက် ရောဘဲ စစ်အစိုးရ ကျောထောက် နောက်ခံပြုတဲ့ ပြည်သူ့စစ်အဖွဲ့ ထိန်းချုပ် တဲ့နယ်မြေ တွေမှာသာ စိုက်တာ” - ဟု ပြည်တွင်းနေ သျှမ်းပြည်မူး ယစ် စောင့်ကြည့် လေ့လာသူ တဦးက ပြောပါသည်။
UNODC ၏အစီရင်ခံစာတွင် ၂၀၀၉ မြန်မာနိုင်ငံ ဘိန်းစိုက်ဧက ဟက်တာ ၃၂၀၀၀ ခန့်ရှိလာသည့်အတွက် ယခင်နှစ်ထက် ၁၁ ရာခိုင်နှုန်း တိုးတက်လာကြောင်း၊ ၂၀၀၆ ဘိန်းစိုက်ရာသီနှင့် နှိုင်းယှဉ်လျှင် ၅၀ ရာခိုင်နှုန်း မြင့်တက်လာကြောင်းဖေါ်ပြ ထားပါသည်။
ထို့အပြင် နအဖ ထိုးစစ်ဆင်တိုက်ခိုက်လာပါက ခုခံကာကွယ်ဖို့ ၀ ပြည်သွေးစည်းရေးတပ်မတော် လက်နက်ဝယ်ရန် မူးယစ်ဆေး ပိုမိုထုတ်ရောင်းလာသည်ဟုလည်းဖေါ်ပြထားပါသည်။
“အထူးဒေသ နယ်မြေတွေထဲမှာ ဘိန်းစိုက်ပျိုးမှုတော့လုံးဝ မရှိတော့ဘူး။ မစ္စတာ ဂယ်ရီလူးဝစ်စ်ကိုယ်တိုင် အဲကိစ္စလက်ခံ တယ်။ ဒါပေမယ့် သူတို့မစိုက်တော့ဘူးဆိုပေမယ့် အခြားဒေသကနေ ဓါတုဆေးတွေဝယ်လာပြီးချက်လုပ်တယ်။ နအဖ လက်အောက်ခံ ပြည်သူ့စစ်တွေက သယ်ယူပို့ဆောင်ရေးတာဝန်၊ စစ်အစိုးရကနေတဆင့် သွယ်ဝိုက်ပြီး လုံခြုံရေးယူပေး တာ တွေရှိတယ်။ မြန်မာနိုင်ငံမှာ ဘာလုပ်ငန်းမဆို နအဖ နဲ့ ကင်းတယ်ဆိုတာမရှိဘူး။”
မူးယစ်ဆေးဝါးထုတ်လုပ်ရောင်းချရေးလုပ်ငန်းဟူသည်မှာ ထုတ်လုပ်သူကိုယ်တိုင် သယ်ယူပို့ဆောင်ရောင်းဝယ်ခြင်း ထုံးစံမရှိကြောင်း ၀ယ်ယူမည့်သူကိုယ်တိုင်သာလျှင် ထုတ်လုပ်သည့်နယ်မြေတွင်း သွားရောက်သယ်ယူရကြောင်း အဆို ပါပုဂ္ဂိုလ်က ဆက်ပြောပြပါသည်။
“ထိုင်းနိုင်ငံထဲဝင်တဲ့ ဟီးရိုးအင်းတွေက စစ်အစိုးရလူဖြစ်တဲ့ ပြည်သူ့စစ်တပ်ဖွဲ့ရဲ့ ပစ္စည်းတွေများတယ်။ ၀ ပစ္စည်းတော် တော်များများက လောနိုင်ငံဘက်ဖြတ်တာများတယ်” - ဟု မူးယစ်ကုန်သည်အသိုင်းအ၀ိုင်းက ပြောပါသည်။
ပြည်သူ့စစ်တပ်ဖွဲ့ထုတ်လုပ်သည့် ဟီးရိုးအင်းက မကျိုင်း (သျှမ်းပြည်တောင်ပိုင်း နမ့်ဇန်မြို့နယ်) အဖွဲ့ထုတ်လုပ်သည့် ပစ္စည်းမှာ အကောင်းဆုံးကြောင်း၊ “ဘာဖြစ်လို့လဲဆိုတော့ လောဘက်မှာ ရာ ကီလိုနဲ့ချီပြီး ရောင်းဝယ်မှုရှိတယ်။ ထိုင်းဘက် က ဆို ဆယ်ကီလိုချီပြီး ရောင်းဝယ်ဒါသိပ်မရှိဘူး” - ဟု အဆိုပါ ကုန်သည်က သျှမ်းသံတော်ဆင့်သို့ဆက်ပြော၏။
၂၀၀၄ ဗိုလ်ချုပ်ကြီးခင်ညွန့်ရာထူးမှ ဖယ်ရှားခံရသည့်နောက်ပိုင်း အပစ်ရပ်ထက် ပြည်သူ့စစ်တပ်ဖွဲ့က အခွင့်ထူးပိုရလာ ကြောင်း၊ “ ပြည်သူ့စစ်ဆိုရင် နအဖရဲ့လူ၊ အပစ်ရပ်ဆိုရင် သူတို့ရဲ့ အနီးကပ်ရန်သူ၊ တိုက်ပွဲမနွဲသေးဘဲ အပစ်ရပ်ထား တာဘဲရှိတယ်” ဟု မှတ်ယူထားကြောင်း သျှမ်းပြည် မူးယစ်စောင့်ကြည့်လေ့လာရေးအဖွဲ့၏ ၂၀၀၆ ထုတ် Hand in Glove အစီရင်ခံစာတွင် ပါရှိသည်။
No comments:
Post a Comment