သျှမ်းပြည်မြောက်ပိုင်း မိုင်းရယ်မြို့အခြေစိုက် ဗျူဟာမှူးက လယ်ယာခြံခင်းသို့သွားအိပ်စောင့်သော ရွာသားများအားတွေ့ ရှိပါက လျော်ကြေးမရှိ ပစ်သတ်မည်ဖြစ်ကြောင်း ကျေးရွာ အုပ်စုဥက္ကဌများအား ခေါ်ယူအမိန့်ချသည်ဟု သျှမ်းပြည် အလယ် ပိုင်း သတင်းရပ်ကွက်က ကြားသိရသည်။“ဒီချိန်က စပါးမှည့်ချိန်ဆိုတော့ သွားမအိပ်စောင့်ရင် ကျွဲနွားတွေ ၀င်ဖျက်လို့ ရွာသားတွေ ငတ်ကုန်မှာပေါ့။ သွားအိပ်စောင့် ပြန်ရင်လဲ စစ်ကြောင်းလှည့်ရင်းတွေ့မိလို့ပစ်သတ်ရင် အလကား သေမယ်တဲ့။ ကျနော်တို့ရွာသားတွေအတွက် တော်တော် ဒုက္ခဖြစ်ရတယ်” - ၀မ့်ပုံအုပ်စုမှ ဒေသခံရွာသားတဦးကပြောသည်။
မိုင်းရယ်မြို့ အရှေ့တောင်ဘက် ရပ်ကွက် ၃ နှင့်ကပ်ရက် အခြေစိုက်သည့် ခမရ ၃၂၅ တပ်ရင်းအတွင်းရှိ ဗျူဟာရုံးမှ ဗျူဟာ မှူး ကြည်မြင့်က ၀မ့်ပုံအုပ်စုဥက္ကဌအား ယခုလ ၁၂ ရက်က ခေါ်ယူ ပြောကြားခြင်းဖြစ်၏။
“၀မ့်ပုံအုပ်စုဝင် ၀မ့်ကတ်၊ ၀မ့်ကောင်း၊ ၀မ့်နားလီ၊ ၀မ့်မတ်မုန့်လိန်နဲ့ဟိုနမ့် ၅ ရွာမှာ ခမရ ၃၂၅ နဲ့ ခလရ ၆၇ က စစ်ကြောင်း လှည့်မွှေနှောက်မယ်တဲ့။ ၀မ့်ပုံအုပ်စုရဲ့ တောင်ဘက်ခြမ်း SSA တပ်မဟာ ၁ ထိန်းချုပ်နယ်မြေရဲ့နယ်ခြား ခိုလောင်းအုပ်စု နားက ၀မ့်ဖြတ် ရွာမှာလဲ ခလရ ၂၂ ကျောက်မဲက တပ်စခန်းအသစ် ထပ်ချထားတယ်” ဟု မိုင်းရယ်မြို့မှ လူငယ်တဦးက ပြောသည်။
ဝမ့်ပုံအုပ်စုအတွင်း၌ စစ်ကြောင်းလှည့် SSA တပ်မဟာ ၁ အခြေချလှုပ်ရှားသည့် ခိုဆိုင်းကျေးရွာအုပ်စုကိုပါ အချိန်ပြည့် စောင့်ကြည့်နိုင်သောကြောင့် ဖြစ်သည်ဟု အဆိုပါလူငယ်က ဆက်ပြောပြ၏။
ခိုဆိုင်းကျေးရွာအုပ်စုတွင် ၀မ့်တာ့ပေါက်၊ ၀မ့်ခိုဆိုင်း၊ ၀မ့်ပန်ဟိုက်၊ ၀မ့်တာလန်၊ ၀မ့်တာ့ ဟတ်၊ ၀မ့်နမ့်အွန်၊ ၀မ့်ဆဲန်တော် ဟူ၍ ၈ ရွာရှိသည်။
No comments:
Post a Comment