ဒေါ်အောင်ဆန်းစုကြည် မဲထည့်ရန် ငြင်းဆိုသည့် သတင်း ဘင်္ဂလာဒေခ်ျ့ သတင်းစာ အများအပြားက ဖေါ်ပြ

နိရဉ္စရာ

မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်မှ လာမည့် နိုဝင်္ဘာလ ၇ ရက်နေ့တွင် ကျင်းပမည့် ရွေးကောက်ပွဲတွင် မဲထည့်ရန် ငြင်းဆိုသည့် သတင်းကို ဘင်္ဂလာဒေခ်ျ့နိုင်ငံထုတ် သတင်းစာ အများအပြားက အထူးတလည် ပုံနှိပ် ဖေါ်ပြခဲ့ကြသည်။

ဒေါ်အောင်ဆန်းဟုကြည် မဲထည့်ရန် ငြင်းဆိုခဲ့သည့် သတင်းကို အင်္ဂလိပ်လို ရေးသား ထုတ်ဝေသော The Independent, The New Age, Thefinancialexpress တို့တွင် ဖေါ်ပြခဲ့သည် သာမက တခြား ဘင်္ဂလီ သတင်းစာကြီးများ ဖြစ်ကြသော Prothom-alo, Amardesh, Samakal, Janakantha, Kalerkantho, Jaijaidin, Dainikdestiny သတင်းစာများ အပါအ၀င် ဒေသထုတ် ဘင်္ဂလီ သတင်းစာ တစ်ရာ နီးပါးတွင် ဖေါ်ပြခဲ့ကြောင်း သိရသည်။

ဒက္ကားမြို့ Press Club မှ တာဝန်ရှိသူ တစ်ဦးကို သတင်းစာ အများအပြားက ဒေါ်စု မဲထည့်ရန် ငြင်းဆိုသည့် သတင်းကို မည်သည့်အတွက်ကြောင့် ဘင်္ဂလာဒေခ်ျ့ သတင်းစာ အများအပြားက ဖေါ်ပြရာပါသလဲဟု မေးကြည့်ရာ သူက “ ဘင်္ဂလာဒေခ်ျ့နိုင်ငံ ပြည်သူတွေက မြန်မာနိုင်ငံမှာ ဒီမိုကရေစီ ရတော့မယ်။ ရွေးကောက်ပွဲ ဖြစ်တော့ မယ်ဆိုပီး ဒီလိုဘဲ ယေဘူယျ သိနေကြပါတယ်။ ရွေးကောက်ပွဲ ဖြစ်ရင် ဒေါ်အောင်ဆန်းစုကြည်တို့ ပါဝင်ခွင့်ရမယ်။ သူတို့ဘဲ အနိုင်ရမယ် ဆိုပီး သိနေကြပါတယ်။ ခုတော့ ဒေါ်အောင်ဆန်းစုကြည်တို့ ပါဝင်ခွင့်မရတဲ့ အပြင် ဆက်ဖမ်းဆီးထားတယ်။ မဲထည့်မှာကိုလည်း ဒေါ်အောင်ဆန်းဟုကြည်က ငြင်းပယ်တယ်ဆိုတော့ အခုလာမယ့် ရွေးကောက် ပွဲဟာ ရွေးကောက်ပွဲ အစစ်မဟုတ်ဘူး။ အတုအယောင် ဖြစ်တယ်ဆိုတာကို ဘင်္ဂလာပြည်သူတွေကို အသိပေးလိုတဲ့ အတွက် ခုလို ဒေါ်အောင်ဆန်းစုကြည် မဲထည်ဖို့ ငြင်းဆိုတဲ့ သတင်းကို သတင်းစာ အားလုံးက တညီတညွှတ်တည်း ဖေါ်ပြကြတာ ဖြစ်တယ်လို့ ထင်ပါတယ်” ဟု ပြောသည်။

မီပူရ် ၁၀ နံပတ် မြို့နယ် ဖုံးဆိုင် တခုမှ ဘင်္ဂလီ ပညာတတ် လူငယ် တစ်ဦး ဖြစ်သူ မိုနီးကလည်း “ ဒေါ်အောင်ဆန်းစုကြည်ကို ကျွန်တော်တို့ နိုင်ငံမှာ လူတိုင်းက သိပါတယ်။ မြန်မာနိုင်ငံမှာ ရွေးကောက်ပွဲ လုပ်မှာ ကိုတော့ လူအနည်းငယ်ကဘဲ သိပါတယ်။ ခုလို သတင်းစာတွေ အများအပြားမှာ ဖေါ်ပြကြတော့ မြန်မာနိုင်ငံက နောက်ဆုံး အခြေအနေကို သိရတဲ့ အတွက် ကောင်းတယ်လို့ မြင်ပါတယ်” ဟု ပြောသည်။

အဆိုပါ သတင်းကို AFP နှင့် AP သတင်းများကို ကိုးကားပြီး ဘင်္ဂလာ သတင်းစာများက ပုံနှိပ် ဖေါ်ပြခဲ့ကြခြင်း ဖြစ်သည်။

အဆိုပါ သတင်းစားများက မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား လာမည့် နိုဝင်ဘာလ ၇ ရက်နေ့တွင် ကျင်းပမည့် ရွေးကောက်ပွဲတွင် မဲထည့်ခွင့်ပြုကြောင်း သက်ဆိုင်ရာမှ များမကြာမှီက လာရောက် အကြောင်းကြားခဲ့ကြောင်း ဖေါ်ပြသည်။

၎င်းပြင် ဒေါ်အောင်ဆန်းစုကြည်မှ သူမကို မဲပေးခွင့်ပြုခြင်းမှာ စစ်အစိုးရက ထုတ်ပြန် ထားသော ရွေးကောက်ပွဲဆိုင်ရာ ဥပဒေများနှင့် လွဲချော်မူ ရှိနေသဖြင့် သူမ အနေဖြင့် မဲပေးမှာ မဟုတ်ကြောင်း ပြန်လည် ပြောဆိုခဲ့သည်ဟု သတင်းစာများက ရေးသားသည်။

မြန်မာနိုင်ငံတွင် နအဖ စစ်အစိုးရ၏ လက်ရှိ ရွေးကောက်ပွဲ ဥပဒေတွင် လက်ရှိ ထောင်ဒဏ် ကျခံနေရသူများနှင့် ပြစ်ဒဏ် စီရင်ခံရသူများ အနေဖြင့် ရွေးကောက်ပွဲတွင် မဲပေးပိုင်ခွင့် မရှိကြောင်း ဖေါ်ပြထားသဖြင့် ထောင်ဒဏ်ကျခံနေရသူ ဒေါ်အောင်ဆန်းစုကြည်ကို မဲထည့်ရန် အခွင့်အရေး ပေးခြင်းမှာ ဒေါ်အောင်ဆန်းစုကြည်မှာ ထောင်ကျနေခြင်း မဟုတ်ကြောင်း ကမ္ဘာသို့ လ်ိမ်လည် လှည့်ဖျား လို၍ ဖြစ်ကြောင်း သတင်းစာများက ရေးသား ဖေါ်ပြကြသည်။