ခုလို လွတ်ငြိမ်းခွင့်ပေးတာဟာ မြန်မာနိုင်ငံရဲ့ ပြုပြင်ပြောင်းလဲရေးအတွက် အရေးကြီးတဲ့ ခြေလှမ်းဖြစ်တယ်လို့ ကုလသမဂ္ဂက ဆိုပါတယ်။
အဲဒ့ါအပြင် မြန်မာနိုင်ငံမှာ နိုင်ငံရေးအကျဉ်းသား နောက်ထပ် ရှိမလာဖို့အတွက် ကုလသမဂ္ဂလူ့အခွင့်အရေးအဖွဲ့က မြန်မာအစိုးရအပြင်၊ သက်ဆိုင်ရာ အဖွဲ့တွေနဲ့ ဆက်လက် လုပ်ကိုင်သွားမယ်လို့လည်း ဆိုပါတယ်။
ခုလို လွတ်ငြိမ်းခွင့်ပေးလိုက်တဲ့အပေါ် ကြိုဆိုပေမယ့် တချိန်တည်းမှာပဲ ပြီးခဲ့တဲ့ ၂၀၁၂ ခုနှစ် ဂျွန်-ဇူလိုင်လအတွင်း ဘူးသီးတောင်မှာ ထိန်းသိမ်းခံရတဲ့ ဒေါက်တာ ထွန်းအောင်၊ ဦးကျော်လှအောင်တို့ကို လွတ်ငြိမ်းခွင့် မပေးတဲ့အပေါ် စိတ်မကောင်း ဖြစ်မိတယ်လို့ ပြောပါတယ်။
ပြီးခဲ့တဲ့ ဒီဇင်ဘာလ ၃၁ ရက်နေ့က သမ္မတဦးသိန်းစိန်ရဲ့ အမိန့်နဲ့ နိုင်ငံရေးအကျဉ်းသား ၁၀ ယောက်လောက်လွတ်လာပြီး နိုင်ငံရေး ပြစ်မှုရင်ဆိုင်ဆဲ လူပေါင်း ၁၀၀ ကျော် ပြစ်ဒဏ်လွတ်ငြိမ်းခွင့် ရရှိခဲ့ကြတာ ဖြစ်ပါတယ်။
No comments:
Post a Comment