ဇော်ဇော်ထွေး
ရန်ကင်းမြို့နယ်တွင် နေအိမ်ရှေ့လမ်းမပေါ်တွင် ညသိပ်ထားသည့် ကားတစ်စီးခိုးယူခံလိုက်ရသဖြင့် ပြန်လည်ရှာဖွေ ဖော်ထုတ်ပေးရန် ဇန်န၀ါရီ ၂၀ ရက်က အမှုဖွင့်တိုင်တန်းထားသည်ဟု ရန်ကုန်တိုင်း ရဲတပ်ဖွဲ့မှူးရုံးက သတင်းထုတ်ပြန်သည်။
အဆိုပါ ကားအခိုးခံရမှုကို ရန်ကင်းမြို့နယ်၊ (၃) ရက်ကွက်၊ ရန်ရှင်းလမ်းနေ ဦးရဲဝင့်ကိုကိုဦးက အမှုဖွင့် တိုင်တန်းထားခြင်း ဖြစ်သည်။
အမှုတွင် ၎င်းသည် မိဘများထံမှယူ၍ အသုံးပြုခဲ့သော ၃ဗ/၉၀၈၈ အဖြူရောင် တိုရိုတာကော်ရိုလာ စီအီး -၉၆ ယာဉ်ကို မိဘများနေထိုင်သည့် တောင်ဥက္ကလာပမြို့နယ်၊ သစ္စာဥယျာဉ်အိမ်ရာသို့ သွားရောက်ခဲ့ ပြီး ည ၉ နာရီခွဲအချိန်တွင် နေအိမ်သို့ ပြန်ခဲ့သည်ဟု ဆိုထားသည်။
ထို့နောက် ည ၁၀နာရီအချိန် နေအိမ်ရှေ့သို့ ပြန်လည်ရောက်ရှိခဲ့ပြီး ကားအားနေအိမ်တိုက်ခန်းရှေ့ ရန်ရှင်းလမ်းမဘေးတွင် သော့ခတ်တံခါးပိတ်ရပ်ထားခဲ့သည်။
ထို့နောက် ဇန်န၀ါရီ ၂၀ရက် နံနက် ၈ နာရီခွဲအချိန် ဒေါပုံမြို့နယ် ရေကြောင်းဦးစီးဌာနရှိ သင်တန်းသို့ သွားတက်ရန် နေအိမ်ရှေ့သို့ သွားရောက်ခဲ့ရာ ရပ်ထားသော ကားပျောက်ဆုံးနေကြောင်း သိရှိခဲ့သည် ဟု တရားလိုက ရဲတိုင်ရာတွင် ထွက်ဆိုထားသည်။
ထို့ကြောင့် ရန်ကင်းရဲစခန်းက (ပ)၁၅/ ၂၀၁၄ ဖြင့် အမှုဖွင့်ပြီး ကားခိုးယူသူကို ဖော်ထုတ်ဖမ်းဆီးရန် လုပ်ဆောင်နေပြီး ဖမ်းမိပါကာ ခိုးမှုပုဒ်မ ၃၇၉(ကား)ဖြင့် တရားစွဲတင်မည်ဟု ရဲတပ်ဖွဲ့က ဆိုထားသည်။
No comments:
Post a Comment