ABC
မြန်မာနိုင်ငံရဲ့ ၂၀၀၈ ခု ဖွဲ့စည်းပုံ အခြေခံ ဥပဒေ ပြင်ဆင်ရေးဆွဲရေးမှုကို လက်ခံကြောင်း သမ္မတ ဦးသိန်းစိန်က ပြောလိုက်ပါတယ်။
အခြေခံဥပဒေကို အခြေအနေ အချိန်အခါလိုက်ပြီး ပြင်ဆင်ရေးသား ရမယ်ဆိုတဲ့မူကို သမ္မတအနေနဲ့
ကျင့်သုံးမယ်လို့လည်း နှစ်သစ်ကူး မိန့်ခွန်းမှာ ပြောကြားခဲ့တာ ဖြစ်ပါတယ်။
နိုင်ငံသားတစ်ဦးဦးကို မြန်မာနိုင်ငံ ခေါင်းဆောင် ဖြစ်ခွင့် တားမြစ်ထားတဲ့ ဥပဒေမျိုးကို မလိုလားတဲ့အကြောင်း သမ္မတဦးသိန်းစိန်ရဲ့ မိန့်ခွန်းမှာ ပြောသွားပါတယ်။
သမ္မတ ဦးသိန်းစိန်က အသက်ဝင်တဲ့ ဖွဲ့စည်းပုံအခြေခံဥပဒေတစ်ရပ်ကို ပိုင်ဆိုင်ဖို့ဆိုရင် လူ့အဖွဲ့အစည်း တစ်ရပ်လုံးရဲ့ နိုင်ငံရေး၊ စီးပွားရေး၊ လူမှုရေး လိုအပ်ချက်များနဲ့ သဟဇာတဖြစ်အောင် အခြေအနေ အချိန်အခါအလိုက် ပြင်ဆင်ရေးသားရမယ်ဆိုတဲ့ အခြေခံမှုကို ဆုပ်ကိုင်ထားရမှာ ဖြစ်တယ်လို့ ဆိုပါတယ်။
ဒီလို အပြောအဆိုတွေဟာ ဒေါ်အောင်ဆန်းစုကြည်ကို သမ္မတ ဖြစ်ခွင့် ပိတ်ပင်ထားတဲ့ ဥပဒေကို ရည်ညွန်းပြောဆိုတာ ဖြစ်ပြီး ဒေါ်အောင်ဆန်းစုကြည်လို ပုဂ္ဂိုလ်မျိုးလည်း သမ္မတ ဖြစ်လာခွင့်ရှိသင့်ကြောင်း ရည်ရွယ်ပြောဆိုတာ ဖြစ်နိုင်တယ်လို့ သုံးသပ်နေကြပါတယ်။
၂၀၀၈ ဖွဲ့စည်းပုံ အခြေခံဥပဒေ ပြင်ဆင်မှုနဲ့ ပတ်သက်ပြီး အမျိုးသား ဒီမိုကရေစီအဖွဲ့ချုပ်ကလည်း လူထုတွေရဲ့ ပြည်သူ့ဆန္ဒခံယူပွဲတွေ တောက်လျောက်ပြုလုပ်နေပြီး ပြည်သူအများက ပြုပြင်ဖို့ လိုလားနေကြောင်း သိရပါတယ်။
ဒီအချက်တွေကို လွှတ်တော်မှာ တင်ပြဖို့ရှိကြောင်း သိရပါတယ်။
No comments:
Post a Comment