•ဒေါ်အောင်ဆန်းစုကြည် အသေးစား ရေအားလျှပ်စစ်နှင့် တရားဥပဒေစိုးမိုးရေးကိစ္စ ဆွေးနွေးမည်
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ရှမ်းပြည်နယ်တောင်ပိုင်း လင်းခေးမြို့နယ် အုပ်ချုပ်ရေးမှူး၊ မြို့နယ်တာဝန်ရှိသူများနှင့် ဇန်နဝါရီလ ၂၅ ရက် ညနေတွင်တွေ့ဆုံကာ အသေးစား ရေအားလျှပ်စစ် ကိစ္စနှင့် တရားဥပဒေ စိုးမိုးရေး ကိစ္စများ ဆွေးနွေးမည် ဖြစ်သည်။
----------------------------------------------------------------------------------------------------
•အခြေခံဥပဒေပြင်ရန် လင်းခေးတွင် ရာနှုန်းပြည့်နီးပါးထောက်ခံ
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ရှမ်းပြည်နယ်တောင်ပိုင်း လင်းခေးမြို့နယ်ရှိ ဘောလုံးကွင်းအတွင်း ဇန်နဝါရီလ ၂၅ရက် ညနေ ၃နာရီ ခွဲခန့်တွင် အခြေခံဥပဒေဆိုင်ရာ လူထုဟောပြောပွဲ ပြုလုပ်ခဲ့ပြီး တက်ရောက်သူ ၁ဝဝရာခိုင်နှုန်းခန့် အခြေခံဥပဒေ ပြင်ဆင်ရန်ထောက်ခံခဲ့သည်။
ထိုဟောပွဲသို့ လင်းခေးနှင့် အနီးတစ်ဝိုက် မြို့ရွာများက ဒေသခံ ၂ဝဝဝကျော် တက်ရောက်သည်။
ဇန်နဝါရီလ ၂၅ရက်တွင် ဒေါ်အောင်ဆန်းစုကြည်သည် နမ့်ဆမ်၊ မိုးနဲနှင့် လင်းခေးမြို့နယ် သုံးခုတွင် ဟောပြော ပွဲများ ပြုလုပ်ခဲ့ခြင်းဖြစ်ပြီး နမ့်ဆမ်မြို့နယ်တွင် တက်ရောက်လာသည့် ဒေသခံ ၉၅ရာခိုင်နှုန်းက ဖွဲ့စည်းပုံ
အခြေခံ ဥပဒေ ပြင်ဆင်ရန် ထောက်ခံခဲ့ပြီး မိုးနဲတွင်မူ ၉ဝရာခိုင်နှုန်းက ထောက်ခံခဲ့သည်။
ဒေါ်အောင်ဆန်းစုကြည်သည် လင်းခေးမြို့နယ်၌ လူထုဟောပြောပွဲအပြီးတွင် လင်းခေးမြို့ စိန်ပန်း တည်းခိုခန်းတွင် တစ်ညအိပ်ကာ ဇန်နဝါရီလ ၂၆ရက် နံနက်တွင် တောင်ကြီးမြို့သို့ ဆက်လက်ထွက်ခွာမည်ဖြစ်သည်။
---------------------------------------------------------------------------------------------------------------
•လင်းခေးတွင် ဒေါ်အောင်ဆန်းစုကြည် ဟောပြောပွဲစပြီ
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ရှမ်းပြည်နယတောင်ပိုင်း လင်းခေးမြို့နယ်ရှိ ဘောလုံးကွင်းအတွင်း ဇန်နဝါရီလ ၂၅ရက် ညနေ ၃နာရီ ခွဲခန့်တွင် အခြေခံ ဥပဒေဆိုင်ရာ လူထုဟောပြောပွဲ ကို စတင်ဟောပြောနေပြီဖြစ်သည်။
ထိုဟောပွဲသို့ လင်းခေးနှင့် အနီးတစ်ဝိုက် မြို့ရွာများက ဒေသခံ ၂ဝဝဝကျော် တက်ရောက်ခဲ့ပြီး ပရိတ်သက်များ က ဘောလုံးကွင်းအပြည့် နေရာယူထားသည်။
ဇန်နဝါရီလ ၂၅ရက်တွင် ဒေါ်အောင်ဆန်းစုကြည်သည် နမ့်ဆမ်၊ မိုးနဲနှင့် လင်းခေးမြို့နယ် သုံးခုတွင် ဟောပြော ပွဲများ ပြုလုပ်ခဲ့ခြင်းဖြစ်ပြီး နမ့်ဆမ်မြို့နယ်တွင် တက်ရောက်လာသည့် ဒေသခံ ၉၅ရာခိုင်နှုန်းက ဖွဲ့စည်းပုံအခြေခံ ဥပဒေ ပြင်ဆင်ရန် ထောက်ခံခဲ့ပြီး မိုးနဲတွင်မူ ၉ဝ ရာခိုင်နှုန်းက ထောက်ခံခဲ့သည်။
ဒေါ်အောင်ဆန်းစုကြည်သည် လင်းခေးမြို့နယ်၌ လူထုဟောပြောပွဲအပြီးတွင် လင်းခေးတွင် တစ်ညအိပ်ကာဇန်နဝါရီလ ၂၆ရက် နံနက်တွင် တောင်ကြီးမြို့သို့ ဆက်လက်ထွက်ခွာမည်ဖြစ်သည်။
--------------------------------------------------------------------------------------------------------------
•မိုးနဲတွင် အခြေခံဥပဒေပြင်ရန် ၉ဝ ရာခိုင်နှုန်း ထောက်ခံခဲ့
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ဇန်နဝါရီလ ၂၅ရက် နံနက် ၉ နာရီခွဲခန့်တွင် ရှမ်းပြည်နယ်တောင်ပိုင်း မိုးနဲမြို့ ဘောလုံးကွင်းတွင် ပြုလုပ်သည့် အခြေခံဥပဒေဆိုင်ရာ ဟောပြောပွဲကို ဒေသခံ ၃ဝဝဝခန့် တက်ရောက်ခဲ့ပြီး ၉ဝရာခိုင်နှုန်းက ဖွဲ့စည်းပုံအခြေခံဥပဒေ ပြင်ဆင်ရန် ထောက်ခံခဲ့ကြသည်။
----------------------------------------------------------------------------------------------------------------
•အခြေခံဥပဒေပြင်ရန် နမ့်ဆမ်တွင် ၉၅ရာခိုင်နှုန်း ထောက်ခံ
အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဒေါ်အောင်ဆန်းစုကြည်သည် ဇန်နဝါရီလ ၂၅ ရက် နံနက် ၉နာရီ ခွဲခန့်တွင် နမ့်ဆမ်ဘောလုံးကွင်း၌ ဖွဲ့စည်းပုံအခြေခံဥပဒေဆိုင်ရာ လူထုဟောပြောပွဲ တစ်ရပ် ပြုလုပ်ခဲ့ရာ တက်ရောက်သူ ၉၅ ရာခိုင်နှုန်းက ပြင်ဆင်ရန် ထောက်ခံခဲ့သည်။
ဒေါ်အောင်ဆန်းစုကြည်၏ ဟောပြောပွဲကို နမ့်ဆမ်ဒေသခံ ၄ဝဝဝ ခန့် တက်ရောက်ခဲ့သည်။
----------------------------------------------------------------------------------------------------------------
•ဒေါ်အောင်ဆန်းစုကြည် နမ့်ဆမ်ရောက်ပြီ
ဒေါ်အောင်ဆန်းစုကြည်သည် ဇန်နဝါရီလ ၂၄ရက် ညနေ ၉နာရီကျော်တွင် နမ့်ဆမ်မြို့သို့ ရောက်ရှိသွားပြီဖြစ်သည်။
ဒေါ်အောင်ဆန်းစုကြည်က နမ့်ဆမ်တွင် တည်းခိုမည်ဖြစ်ပြီး ဇန်နဝါရီလ ၂၅ရက် နံနက် ၉နာရီတွင် ဖွဲ့စည်းပုံအခြေခံဥပဒေဆိုင်ရာ ဟောပြောပွဲကို နမ့်ဆမ်မြို့ ဘောလုံးကွင်းတွင် ပြုလုပ်မည်ဖြစ်သည်။
----------------------------------------------------------------------------------------------------------------
•ဒေါ်အောင်ဆန်းစုကြည် တောင်ကြီးမြို့မဈေးအနီးရောက်ရှိ
အခြေခံဥပဒေဆိုင်ရာ လူထုဟောပြောပွဲလုပ်ရန် ရှမ်းပြည်နယ်တောင်ပိုင်းကို နမ့်ဆမ်မြို့ကို သွားနေသော ဒေါ်အောင်ဆန်းစုကြည်သည် ဇန်နဝါရီလ ၂၄ရက် ညနေ ၅နာရီ ၄၅မိနစ်ခန့်တွင် တောင်ကြီး မြို့မဈေးအနီးသို့ ရောက်ရှိပြီဖြစ်သည်။
ဒေါ်အောင်ဆန်းစုကြည်ကို တောင်ကြီးမြို့ခံ ထောင်နှင့်ချီသည့် လူတန်းကြီးက ကြိုဆိုလျှက် ရှိကြသည်။ တောင်ကြီးမြို့ မြင်းရုပ်အနီးအရောက်တွင် လူသုံးထောင်ခန့်က ကြိုဆိုခဲ့သည်။
---------------------------------------------------------------------------------------------------------------
•ဒေါ်အောင်ဆန်းစုကြည်ကို တောင်ကြီးသွားရာ တစ်လျှောက် ဒေသခံများ ကြိုဆို
အခြေခံဥပဒေဆိုင်ရာ လူထုဟောပြောပွဲလုပ်ရန် ရှမ်းပြည်နယ်တောင်ပိုင်း ကို နမ့်ဆမ်မြို့ကို သွားနေသော ဒေါ်အောင်ဆန်းစုကြည်ကို လမ်းတစ်လျှောက်တွင် ဒေသခံများက ကြိုဆိုလျှက်ရှိပြီး တောင်ကြီးအဝင် ဆိုင်းဘုတ်နားအရောက်တွင် ဒေသခံ ၂ဝဝခန့်က ရှမ်းအိုးစည်ဝိုင်းဖြင့် ကြိုဆိုကြသည်။
အေးသာယာမြို့သစ် ထုံးဘိုလမ်းတစ်လျောက်တွင်လည်း ဒေသခံ ၅ဝဝခန့်က ကြိုဆိုလျှက်ရှိသည်။
ထို့အပြင် ရွှေညောင်မြို့ကို ဖြတ်စဉ်ကလည်း ကျောင်းသူ/ကျောင်းသားများ၊ ဒေသခံများ ၄ဝဝခန့်က ကြိုဆိုခဲ့ကြပြီး ကားများ၊ ဆိုင်ကယ်များလည်း လမ်းတစ်လျှောက် ပြည့်နှက်လျှက်ရှိသည်။
----------------------------------------------------------------------------------------------------------------
•ဒေါ်အောင်ဆန်းစုကြည်ကို ရွှေညောင်တွင် ၄ဝဝခန့်ကြိုဆို
အခြေခံဥပဒေဆိုင်ရာ လူထုဟောပြောပွဲလုပ်ရန် ရှမ်းပြည်နယ်တောင်ပိုင်းကို နမ့်ဆမ်မြို့ကို သွားနေသော ဒေါ်အောင်ဆန်းစုကြည်ကို လမ်းတစ်လျှောက်တွင် ဒေသခံများက ကြိုဆိုလျှက်ရှိပြီး ရွှေညောာင်မြို့အရောက်တွင် ကျောင်းသားများအပါအဝင် ဒေသခံ ၄ဝဝခန့်က ကြိုဆိုနေကြသည်။
No comments:
Post a Comment