တပ်မတော်သားများ အပါအဝင် နိုင်ငံရေးပါတီ များမှ လွှတ်တော်ကိုယ်စားလှယ်များ ပါဝင်သည့် ပြည်ထောင်စု လွှတ်တော် ၂ဝဝ၈ ဖွဲ့စည်းပုံအခြေခံ ဥပဒေ လေ့လာသုံးသပ်ရေး ပူးပေါင်းကော်မတီက အခြေခံဥပဒေနှင့် ပတ်သက်၍ သဘောထားများ စုဆောင်းလျက်ရှိနေပြီး ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ၊ အမျိုးသားဒီမိုကရေစီ အဖွဲ့ချုပ် အပါအဝင် နိုင်ငံရေးပါတီများ၊ အများပြည်သူများက အခြေခံဥပဒေနှင့်ပတ်သက်သော သဘောထားများ ကို ကော်မတီသို့ တင်ပြထုတ်ပြန်ပြောဆိုနေ ကြသော်လည်း တပ်မတော်အနေဖြင့်မူ အခြေခံ ဥပဒေအပေါ် သုံးသပ်ချက်ကို မီဒီယာများနှင့်ပြည်သူ များသို့ ထုတ်ပြန်တင်ပြမည် မဟုတ်ဘဲ လျှို့ဝှက် ထားမည်ဖြစ်ကြောင်း၊ လွှတ်တော်သို့ တရားဝင် ပြပြီးမှသာလျှင် အများပြည်သူက သိရှိနိုင်မည် ဖြစ် ကြောင်း၊ တပ်မတော်သား ပြည်သူ့လွှတ်တော် ကိုယ်စားလှယ် ဗိုလ်မှူးချုပ် မောင်မောင်ကဧရာဝတီ သို့ပြောသည်။
”တပ်မတော်အနေနဲ့ ဖွဲ့စည်းပုံအခြေခံဥပဒေ မှာပါတဲ့ အချက်အလက်တချို့ကို တော့ ပြင်ဆင်ဖို့ အတွက် တင်ပြထားတာတွေတော့ရှိတယ်၊ လွှတ်တော်ကော်မတီ ဆုံးဖြတ်ချက်ချပြီးတဲ့ အချိန်ရောက်ရင်တော့ အားလုံးသိရမှာပါ”ဟု ဗိုလ်မှူးချုပ် မောင်မောင်က ရှင်းပြသည်။
ပြည်သူ့လွှတ်တော် တပ်မတော်သားလွှတ် တော်ကိုယ်စားလှယ်တဦးဖြစ်သူ ဗိုလ်မှူးချုပ်ကျော်ရွှေကလည်း ”ပူးပေါင်းကော်မတီရဲ့ သတ်မှတ်ချက် အရ တပ်မတော်က ပြင်ဆင်လိုတဲ့ အချက်အလက် တွေကို လျှို့ဝှက်ထားရမယ်၊ အပြင်ကိုမပေါက်ကြား ရဘူးလို့ ပြောထားတယ်၊ ဖွင့်ဟပြောလို့ လုံးဝမရဘူး”ဟု ဆိုသည်။
အမျိုးသား ဒီမိုကရေစီအဖွဲ့ချုပ်ဥက္ကဋ္ဌ ဒေါ် အောင်ဆန်းစုကြည်က တပ်မတော်သည် နိုင်ငံရေး ပါဝင်ခြင်းမပြုရန်၊ ၂ဝဝ၈ ဖွဲ့စည်းပုံအခြေခံဥပဒေ ပြင်ဆင်ရေး ကိစ္စများကို လူထုတွေ့ဆုံပွဲများ ကျင်းပ တောင်းဆိုမှုများ ပြုလုပ် လျက်ရှိပြီး တိုင်းရင်းသား လက်နက်ကိုင် အဖွဲ့အစည်းများကလည်း အခြေခံ ဥပဒေ မပြင်လျှင် ၂ဝ၁၅ ရွေးကောက်ပွဲ မဝင်လိုဟု ပြောဆိုနေကြချိန် တပ်မတော်က အခြေခံဥပဒေနှင့် ပတ်သက်၍ သဘောထား လျှို့ဝှက်ထားခြင်းမှာ မြန်မာ့နိုင်ငံရေးအတွက် အလားအလာ မကောင်းဟု ဆိုကြသည်။
”တပ်မတော်ဘက် သဘောထားဆိုတာက ဘယ်တုန်းကထုတ်ပြန်ဖူးလို့လဲ။ ဒါကတပ်ရဲ့ သဘာဝလို ဖြစ်နေပြီ။ တပ်မတော်သား လွှတ်တော်ကိုယ်စားလှယ်ဆိုတာကလည်း လွှတ်တော်မှာ အဖြူနှိပ်ဆို အဖြူနှိပ်၊ အမည်းနှိပ်ဆို အမည်းနှိပ်ရတဲ့သူတွေလေ။ သူတို့က တသွေးတသံ တမိန့်တည်းအောက်မှာ ရှိနေကြတာ” ဟု ရှမ်းအမျိုးသားဒီမိုကရေစီ အဖွဲ့ချုပ် ဥက္ကဋ္ဌ ဦးခွန်ထွန်းဦးက ဆိုသည်။
ပြည်ထောင်စုလွှတ်တော် ဖွဲ့စည်းပုံအခြေခံ ဥပဒေ လေ့လာသုံးသပ်ရေး ပူးပေါင်းမှုကော်မတီတွင် တပ်မတော်သား လွှတ်တော်ကိုယ်စားလှယ် ၂၅ ဦး၊ ပြည်ထောင်စုကြံ့ခိုင်ရေးနှင့် ဖွံ့ဖြိုးမှု ပါတီ မှ ၅၂ ဦး၊ အမျိုးသားဒီမိုကရေစီ အဖွဲ့ချုပ်မှ ၇ ဦး အပါ အဝင် လွှတ်တော်ကိုယ်စားလှယ် ၁ဝ၉ ဦးဖြင့် ဖွဲ့ စည်းထားပြီး လာမည့်ဇန်နဝါရီလ ၃၁ ရက်နေ့ နောက်ဆုံးထား၍ အခြေခံဥပဒေသုံးသပ်ရေး အစီ ရင်ခံစာကို ပြည်ထောင်စုလွှတ်တော်သို့ တင်ပြရမည် ဖြစ်သည်။
No comments:
Post a Comment